7 բնական միջոց՝ անոթները աղային կուտակումներից ու նստվածքից մաքրելու համար. լավագույն ժողովրդական բաղադրատոմսերը

Երակներն ու զարկերակներն աղային կուտակումներից ու տարատեսակ նսվածքներից մաքրելով՝ մարդը վերադարձնում է դրանց առաձգականությունը, ճկունությունն ու երիտասարդությունը: Այս պրոցեդուրաների արդյունքում բուժվում են անոթային հիվանդությունները, նվազում է երակների վարկոզ լայնացումից տուժած անոթների թիվը, բարելավվում է լսողությունն ու տեսողությունը, անհետանում են գլխացավերն ու սկլերոզը, ինչպես նաև նվազում է սրտամկանի կաթվածի հավանականությունը: Բացի այդ, անոթները մաքրելը կօգնի բարելավել աղեստամոքսային համակարգի, թոքերի, բրոնխների, քթի խոռոչի և քթաըմպանի առողջական վիճակը:

Ձեր ուշադրությանն ենք ներկայացնում լավագույն ժողովրդական բաղադրատոմսերը, որոնք կօգնեն մաքրել անոթները աղային կուտակումներից ու նստվածքից:

Բաղադրատոմս № 1

Խառնել 120-ականն գրամ երիցուկի ծաղիկները, կեչու բողբոջները, անթառամն ու սրոհունդը (зверобой), այնուհետև ստացված խառնուրդի 1 ճաշի գդալը 3.5 ժամ թրմել 0.5 լիտր եռման ջրում: Ստացված թուրմը քամել, բաժանել երկու մասի, այնուհետև մի մասին ավելացնել 1 գդալ մեղր և խմել ուտելուց առաջ: Թուրմի մյուս մասն առավոտյան մի փոքր տաքացնել, ավելացնել մի փոքր մեղր և խմել ուտելուց առաջ:

Կրկնել այս պրոցեդուրան մինչև խոտաբույսերի խառնուրդն ավարտվի: Ընդ որում՝ հարկ է հիշել, որ անոթների մաքրման այս մեթոդը կարելի է կիրառել միայն 5 տարին մեկ:

Բաղադրատոմս № 2

Մի բաժակ սամիթի սերմերին ավելացնել 2 ճաշի գդալ կատվախոտի մանրացրած արմատ և երկու բաժակ բնական թարմ մեղր: Խառնուրդը լցնել 2 լիտր տարողությամբ թերմոսի մեջ, թրմել և ընդունել օրական երեք անգամ՝ ուտելուց առաջ մեկական ճաշի գդալ:

Բաղադրատոմս № 3

Անոթները շատ արդյունավետ կերպով մաքրում է նաև կիվիի հյութը:

Բաղադրատոմս № 4

1 ճ.գ. մեղվախոտի (медуница, մեղրուկ) չորացրած խոտին ավելացնել մի բաժակ եռման ջուր, թրմել 40 րոպե և ընդունել օրական երեք ճաշի գդալ:

Բաղադրատոմս № 5

200 գրամ մշկընկույզը սրճաղացով, մսաղացով կամ քերիչով մանրացնել, ավելացնել մի լիտր որակյալ օղի, երկու շաբաթ թրմել, այնուհետև քամել և ընդունել 20-ական կաթիլ՝ ավելացնելով ջրին (1:3 հարաբերակցությամբ):

Բաղադրատոմս № 6

Խառնել թարմ մասուրի պտուղները, եղինջի տերևները, սև հաղարջի տերևները և վայրի ելակի տերևները (5:2:2:1 հարաբերակցությամբ), այնուհետև չորացրած ու մանրացրած խառնուրդի 2 ճաշի գդալը լցնել թերմոսի մեջ, ավելացնել 0.5 լիտր եռման ջուր և 4 ժամ թրմել: Ստացված թուրմը քամել և խմել օրական երկու անգամ մեկական բաժակ: Օգտագործելուց առաջ թուրմի մեկ բաժակին հարկավոր է ավելացնել 2 թեյի գդալ բարձրորակ մեղր:

Բաղադրատոմս № 7

Մեկ կապ խատուտիկի թարմ տերևները կես ժամով դնել աղաջրի մեջ, այնուհետև մանրացնել, ավելացնել 2 հատ մանրացրած հունական ընկույզ և 1 ճաշի գդալ զտված արևածաղկի յուղ: Լավ խառնել և ուտել առանց սահմանափակումների, սակայն առանց չարաշահելու:

Նյութի աղբյուրը՝ trental.ru