Արդյունավետ բնական միջոց ավելորդ ճարպաշերտերից ու խոլեստերինից ազատվելու համար

Շատերը կարծում են, որ ճարպերն ու խոլեստերինը խիստ վնասակար են օրգանիզմի համար, սակայն քչերը գիտեն, որ դրանք կարող են շատ օգտակար լինել: Ընդ որում՝ գոյություն ունի խոլեստերինի երկու տեսակ՝ «լավ» և «վատ», որոնք տարբեր կերպ են ազդում օրգանիզմի վրա:

Երբ օրգանիզմում կուտակվում է մեծ քանակությամբ «վատ» խոլեստերին, այն կպչում է արյունատար անոթների պատերին՝ առաջացնելով խցանումներ, աթերոսկլերոզ, սրտի հիվանդություններ և այլն: Միևնույն ժամանակ՝ «լավ» խոլեստերինը մաքրում է արյունը ճարպերից և դուրս է բերում «վատ» խոլեստերինը բջիջներից ու զարկերակներից՝ դրանով իսկ օգնելով օրգանիզմին ազատվել անցանկալի վնասկար նյութերից:

Օրգանիզմում «վատ» խոլեստերինի մակարդակը նվազեցնելու և «լավ» խոլեստերինի մակարդակը բարձրացնելու համար մասնագետները խորհուրդ են տալիս ճիշտ սնվել և կատարել ֆիզիկական վարժություններ: Հնարավորության դեպքում հարկավոր է կարմիր յուղոտ միսը փոխարինել անյուղ մսով, ինչպես նաև հավի կամ հնդկահավի մսով (սակայն կաշին հարկավոր է դեն նետել, քանի որ այն շատ յուղոտ է): Նաև խորհուրդ է տրվում ապուրներ պատրաստելիս օգտագործել անյուղ միս, քանի որ դրանում պարունակվող խոլեստերինի 1/3 մասն անցնում է արգանակին:

Բացի այդ, հարկավոր է հարստացնել սննդակարգը սոխով ու սխտորով, որոնք չեն պարունակում խոլեստերին և կանխում են թրոմբների առաջացումը: Այս երկու մթերքն անչափ օգտակար են և չեն կորցնում իրենց օգտակար հատկություններն անգամ եփվելու դեպքում:

Սխտորը նաև հիանալի միջոց է օրգանիզմը վնասակար ճարպերից մաքրելու և ավելորդ ճարպաշերտերից ազատվելու համար: Ձեր ուշադրությանն ենք ներկայացնում սխտորով մի բաղադրատոմս, որը կօգնի պայքարել այս խնդրի դեմ:

Այս դեղամիջոցի պատրաստման համար անհրաժեշտ է.

·        12 պճեղ սխտոր,

·        ½ լիտր կարմիր գինի,

·        500 գրամ տարողությամբ ապակյա տարա (կափարիչով):

Պատրաստման եղանակը.

·        Սխտորը մաքրել և յուրաքանչյուր պճեղը բաժանել 4 մասի:

·        Լցնել կտրատած սխտորն ապակյա տարայի մեջ և ավելացնել գինին:

·        Տարան փակել կափարիչով և դնել որևէ արևոտ տեղում:

·        Թրմել խառնուրդը երկու շաբաթ՝ ամեն օր թափահարելով տարան:

·        Պատրաստ լինելուն պես խառնուրդը քամել, լցնել մուգ ապակուց պատրաստված տարայի մեջ և փակել կափարիչով:

Օգտագործման եղանակը.

Ստացված դեղամիջոցը հարկավոր է ընդունել օրական երեք անգամ՝ մեկական ճաշի գդալ: Այս մեթոդով բուժման կուրսը տևում է մեկ ամիս, որից հետո հարկավոր է 2 ամիս տևողությամբ դադար անել և, անհրաժեշտության դեպքում, կրկնել կուրսը:

Նյութի աղբյուրը՝ shkarec.ru