Լավագույն բնական միջոցները պսորիազի ախտանշանները մեղմելու համար

Պսորիազն աուտոիմունային հիվանդություն է, որի լիարժեք բուժման համար արդյունավետ դեղամիջոց, ցավոք, դեռ չկա: Այս հիվանդությունն ախտահարում է մաշկը և դրսևորվում է մաշկի վրա կարմիր շատ չոր կետերերի և վահանիկների առաջացմամբ, որոնք նպաստում են քորի ու տհաճ զգացողությունների ի հայտ գալուն:

Այս հիվանդությունը վարակիչ չէ, սակայն կարող է փոխանցվել ժառանգաբար: Պսորիազի բուժումը բավականին բարդ է, սակայն կան բազմաթիվ բնական միջոցներ, որոնք կօգնեն մեղմել տհաճ ախտանշանները և բարելավել կյանքի որակը:

Ուսումնասիրությունները ցույց են տվել, որ լյարդի առողջությունը շատ մեծ նշանակություն ունի մաշկի առողջության պահպանման հարցում, ուստի հիվանդության ախտանշանները մեղմելու համար առաջին հերթին հարկավոր է կարգավորել սննդակարգը և ներառել դրանում ձուկ, կտավատի սերմեր, վարսակ, լոբի, հում մրգեր ու բանջարեղեն:

Բացի այդ, խորհուրդ է տրվում օրվա ընթացքում բավարար քանակությամբ հեղուկ օգտագործել և սահմանափակել կարմիր մսի, հավի մսի, կաթի, ճարպոտ ու տապակած մթերքի և վերամշակում անցած սննդամթերքի գործածությունը:

Սակայն, բացի այդ, կան նաև բազմաթիվ բնական միջոցներ, որոնք օգնում են մեղմել քորը, այրոցը, ցավն ու այլ տհաճ ախտանշանները: Ձեր ուշադրությանն ենք ներկայացնում դրանցից ամենաարդյունավետները:

·        Հալվե վերայի գել, տատասկափշի (чертополох) յուղ և ավոկադոյի յուղ

Այս բաղադրիչներն օրական գոնե մեկ անգամ ախտահարված մաշկին քսելու դեպքում կօգնեն ազատվել քորից ու ցավից և կդարձնեն մաշկը շատ ավելի նուրբ: Սակայն հարկ է հիշել, որ այս բաղադրիչները հարկավոր է օգտագործել առանձին:

·        Կերակրի սոդա

Քորն ու այրոցը մեղմելու արդյունավետ միջոց է նաև կերակրի սոդան: Հարկավոր է սոդային ավելացնել մի փոքր եռացրած ջուր, որպեսզի ստացվի մածուցիկ զանգված, այնուհետև քսել այն ախտահարված մաշկին, թողնել մի քանի ժամ և լվանալ մեծ քանակությամբ ջրով:

·        Խնձորի քացախ և վիտամին D

Ուժգին ցավի դեպքում խորհուրդ է տրվում ¼ բաժակ խնձորի քացախին ավելացնել կես լիտր գոլ ջուր, այնուհետև մաքուր կտորը թրջել ստացված լուծույթով և դնել ախտահարված մաշկին՝ թողնելով առնվազն կես ժամ:

Բացի այդ, պսորիազի դեպքում խորհուրդ է տրվում օգտագործել վիտամին D-ով հարուստ մթերք, քանի որ ուսումնասիրությունները ցույց են տվել, որ այս վիտամինն օգնում է մեղմել հիվանդության ախտանշաններն ու կանխել դրանց առաջացումը:

Նյութի աղբյուրը՝ budetezdorovy.ru