Բնական դեղամիջոց եղունգների սնկային հիվանդությունից ու ոտքերի տհաճ հոտից ազատվելու համար

11:07 • 07.03.18

Եղունգների սնկային հիվանդությունը կամ օնիխոմիկոզը դրսևորվում է մաշկի գրգռումով ու քորով, որից հետո այն սկսում է չորանալ, թեփոտվել և մատների միջև ի հայտ են գալիս ճաքեր, որոնք կարող են դառնալ վարակի ներթափանցման պատճառ: Այս խնդիրը բավականին տարածված է, սակայն մարդիկ հաճախ անտեսում են այն, ինչը կարող է լուրջ բարդություններ առաջացնել:

Սնկային հիվանդությամբ ախտահարված եղունգները դեֆորմացվում են և փոխում են իրենց գույնը: Այս հիվանդությունը կարող է հանգեցնել թարախակալման և անգամ եղունգի կորստի, ուստի ախտանշանների ի հայտ գալու դեպքում հարկավոր է անմիջապես միջոցներ ձեռնարկել:

Սովորաբար այս հիվանդության բուժումը բավականին երկարատև է լինում, քանի որ վարակը ներթափանցում է եղունգի տակ և հարկավոր է լինում շարունակել բուժումը մինչև նոր եղունգի աճելը: Սակայն դեղամիջոցները բավականին թանկարժեք են և ոչ բոլորին են հասանելի, ուստի շատերը դադարեցնում են բուժումն ախտանշանների անհետանալուն պես: Արդյունքում՝ որոշ ժամանակ անց կրկին բախվում են նույն խնդրին:

Սակայն գոյություն ունի մի բնական արդյունավետ միջոց, որը ոչ միայն հասանելի է, այլև կօգնի մեկընդմիշտ ազատվել սնկային հիվանդությունից:

Բաղադրությունը.

· սպիրտ (առնվազն 90%-անոց),

· ջրածնի պերօքսիդ,

· քացախ:

Պատրաստման եղանակը.

Այս բուժիչ միջոցը պատրաստելու համար հարկավոր է նախ խառնել սպիրտն ու ջրածնի պերօքսիդը՝ 1:1 հարաբերակցությամբ, լցնել խառնուրդն ապակյա տարրայի մեջ, այնուհետև ավելացնել մի փոքր քացախ և կրկին խառնել:

Օգտագործման եղանակը.

Մինչ այս դեղամիջոցն օգտագործելը հարկավոր է ոտքերը լվանալ և լավ չորացնել, այնուհետև բամբակյա տամպոնի միջոցով քսել դեղամիջոցը ախտահարված եղունգներին: Այս պրոցեդուրան հարկավոր է կրկնել օրական երկու անգամ մինչև եղունգները բուժվեն ու ախտածին սնկերն անհետանան:

Հարկ է հիշել, որ մինչ այս միջոցը կիրառելն անհրաժեշտ է անպայման ազատվել ոտքերի մաշկի ճաքերից ու վնասվածքներից: Բացի այդ, մինչ բուժումը սկսելը հարկավոր է անպայման խորհրդակցել բժշկի հետ, քանի որ ինքնաբուժությունը կարող է խիստ վտանգավոր լինել առողջության համար:

Նյութի աղբյուրը՝ budetezdorovy.ru