10 պարզ բնական միջոց այտուցված ու բորբոքված լնդերը բուժելու համար

19:40 • 27.03.18

Լնդերը կարող են այտուցվել ու գրգռվել տարբեր պատճառներով, սակայն կան բազմաթիվ բնական միջոցներ, որոնք կարելի է օգտագործել այս խնդրից ազատվելու համար: Հարկ է հիշել, որ լնդերի բորբոքումները բուժելը դժվար չէ: Պարզապես հարկավոր է միջոցներ ձեռնարկել առաջին իսկ ախտանշանների ի հայտ գալուն պես:

1. Աղաջուր

Այտուցված կամ բորբոքված լնդերը բուժելու ամենապարզ միջոցն աղաջրով ողողումներն են: Աղաջուրը հիանալի վարակազերծիչ միջոց է, որը կօգնի արագացնել ապաքինման գործընթացը: Այն պատրաստելու համար պարզապես հարկավոր է 1 թեյի գդալ աղը լուծել մի բաժակ ջրում: Սակայն ողողումների ժամանակ հարկավոր է ուշադիր լինել և կուլ չտալ լուծույթը:

2. Կիտրոնի հյութով ջուր

Կիտրոնը բնական հակաբորբոքային միջոց է, որն օգնում է ազատվել այտուցվածությունից: Հարկավոր է մեկ կիտրոնի հյութը խառնել մի բաժակ ջրին և օգտագործել խառնուրդը ողողումների համար: Այս խառնուրդը նույնպես չի կարելի կուլ տալ:

3. Մեխակի յուղ

Այս յուղի միջոցով բուժվելու համար հարկավոր է մի փոքր ձիթապտղի յուղին ավելացնել մի քանի կաթիլ մեխակի եթերայուղ, այնուհետև բամբակյա փոքրիկ տամպոնը թրջել ստացված խառնուրդով և դնել այտուցված լնդին:

4. Կերակրի սոդա

Սոդան ստեղծում է բակտերիաների համար անբարենպաստ միջավայր, ուստի այն շատ արդյունավետ միջոց է այտուցներից ազատվելու համար: Պարզապես հարկավոր է պատրաստել սոդայող ու ջրով մածուցիկ զանգված և զգուշորեն քսել այն լնդերին:

5. Տաք կոմպրես

Այտուցված լնդերի ցավից ազատվելու հիանալի միջոց է տաք կոմպրեսը: Հարկավոր է մաքուր կտորն ընկղմել գոլ ջրի մեջ, մի փոքր քամել և դնել տաք կոմպրեսը դեմքին (այտուցված լնդերի հատվածում): Կոմպրեսն անհրաժեշտ է թողնել մինչև սառչի, այնուհետև կրկնել պրոցեդուրան մինչև ցավը մեղմվի:

6. Սառը կոմպրես

Եթե լնդերն այտուցված են, սակայն չկան ցավոտ զգացողություններ, ապա այտուցվածությունից կարելի է ազատվել սառը կոմպրեսի կամ սառույցի միջոցով: Հարկավոր է մի կտոր սառույցը փաթաթել մաքուր կտորով և դնել լնդին մինչև այտուցը փոքրանա:

7. Հալվե վերա

Լնդերի վիճակը բարելավելու համար կարելի է ատամի մածուկի փոխարեն օգտագործել հալվե վերայի գել: Այն բնական հակաբորբոքային ու հակաբակտերիալ միջոց է, որը պարբերաբար օգտագործելը կօգնի ազատվել լնդերի հետ կապված տարբեր խնդիրներից:

8. Կոճապղպեղ

Ցավը մեղմելու և այտուցից ազատվելու համար կարելի է կիրառել նաև կոճապղպեղի և աղի խառնուրդ: Հարկավոր է այդ խառնուրդից մածուցիկ զանգված պատրաստել և դնել այն ատուցված լնդին:

9. Սև թեյ

Թեյի փաթեթիկները նույնպես կարող են օգնել լնդերի այտուցների դեպքում: Պարզապես հարկավոր է թրմել թեյը, այնուհետև օգտագորվծած փաթեթիկը դնել այտուցված հատվածին:

10. Թեյի ծառի յուղ

Հիանալի հակաբորբոքային ազդեցությամբ է օժտված նաև թեյի ծառի յուղը, որը կօգնի մեղմել ցավն ու բուժել այտուցված լնդերը: Պարզապես հարկավոր է խառնել մի քանի կաթիլ թեյի ծառի յուղն ատամի մածուկին:

Նյութի աղբյուրը՝ positivemed.com