Լավագույն բնական միջոցները գորտնուկներից ու պապիլոմաներից ազատվելու համար

Գորտնուկներն ու պապիլոմաները շատ տարածված մաշկային նորագոյացություններ են, որոնք սովորաբար առաջանում են ձեռքերի վրա, պարանոցին, աճուկային հատվածում, կրծքի շուրջը և թևատակերի հատվածում:

Որպես կանոն այս նորագոյացություններն առողջության համար վտանգավոր չեն լինում, սակայն կարող են շատ տհաճ տեսք ունենալ կամ առաջացնել տհաճ զգացողություններ շարժումների ժամանակ:

Գորտնուկների ու պապիլոմաների առաջացումը պայմանավորված է լինում մարդու պապիլոմավիրուսի առկայությամբ, որը լինում է տարբեր տեսակների և չափազանց տարածված է: Այս վիրուսը սովորաբար ակտիվանում է իմունային համակարգի թուլացման ժամանակ, ուստի ախտանշանները նույնպես ի հայտ են գալիս այդ ժամանակ:

Չնայած, որ պապիլոմաներն ու գորտնուկները խիստ վտանգավոր չեն լինում, այնուամենայնիվ խորհուրդ է տրվում խորհրդակցել բժշկի հետ՝ համոզվելու համար, որ նորագոյացություններն իսկապես բարորակ են:

Գոյություն ունեն այս նորագոյացություններից ազատվելու տարբեր միջոցներ՝ այդ թվում նաև վիրահատական ու դեղորայքային, սակայն կան նաև ժողովրդական միջոցներ, որոնք և՛ արդյունավետ են, և՛ անվնաս:

Ձեր ուշադրությանն ենք ներկայացնում գորտնուկներից ու պապիլոմաներից ազատվելու երկու արդյունավետ բնական միջոց, որոնք չեն առաջացնում կողմնակի բարդություններ ու սպիներ:

1.      Խնձորի քացախ

Խնձորի քացախը գորտնուկներից ազատվելու բավական տարածված ու արդյունավետ միջոց է: Պարզապես հարկավոր է օրական 2-3 անգամ պապիլոմային կամ գորտնուկին մեկ կաթիլ խնձորի քացախ քսել: Բուժման կուրսը տևում է 1-2 շաբաթ՝ կախված նորագոյացության չափից: Որոշ ժամանակ անց այն պարզապես կպոկվի մաշկից:

Հարկ է հիշել, որ այս դեպքում շատ մեծ նշանակություն ունի քացախի որակը, ուստի հարկավոր է օգտագործել միայն բարձրորակ քացախ: Ընդ որում՝ ցանկալի է այն պատրաստել ինքնուրույն:

2.      Օշինդր (полынь)

Գորտնուկներից ազատվելու հիանալի միջոց է նաև օշինդրի թուրմը: Այն պատրաստելու համար հարկավոր է 3 ճաշի գդալ օշինդրը լցնել թերմոսի մեջ, ավելացնել եռման ջուր, փակել թերմոսն ու թրմել 2 ժամ: Այնուհետև պատրաստի թուրմը հարկավոր է քամել, լցնել մաքուր տարայի մեջ և պահել սառնարանում:

Գորտնուկներից ազատվելու համար հարկավոր է բամբակյա սկավառակը թրջել թուրմով, դնել այն ախտահարված մաշկին և ամրացնել բժշկական կպչուն ժապավենով: Թրջոցը հարկավոր է դնել երեկոյան և թողնել մինչև առավոտ: Այս պրոցեդուրան անհրաժեշտ է կրկնել ամեն երեկո մինչև գորտնուկն անհետանա:

Նյութի աղբյուրը՝ budetezdorovy.ru