Բնական օշարակ, որը կօգնի մաքրել թոքերը նիկոտինից ու խեժից

Ծխախոտը խիստ բացասաբար է ազդում օրգանիզմի վրա, սակայն շատերը, ցավոք, շարունակում են ծխել: Այս վատ սովորության հետևանքով ժամանակի ընթացքում ի հայտ են գալիս շնչառական համակարգի լուրջ հիվանդություններ և անգամ քաղցկեղ: Բացի այդ, նիկոտինը նպաստում է գլխուղեղի, ոտնաթաթերի ու ձեռքերի արյունատար անոթների նեղացմանը, ինչը խիստ վտանգավոր է:

Նման խնդիրներից խուսափելու համար մասնագետները խորհուրդ են տալիս հնարավորինս շուտ ազատվել այս վատ սովորությունից ու դրա հետևանքներից, ինչը ոմանց համար շատ դժվար է: Սակայն հարկ է հիշել, որ անգամ ծխելու սովորությունից ազատվելու դեպքում հարկավոր է անպայման մաքրել թոքերը, բրոնխներն ու շնչառական ուղիները, քանի որ օրգանիզմում կուտակված նիկոտինն ու խեժը կարող են լուրջ խնդիրներ առաջացնել:

Ձեր ուշադրությանն ենք ներկայացնում մի դեղամիջոց, որը կօգնի մաքրել թոքերը լորձից, խեժից ու նիկոտինից, որոնք կուտակվում են երկար ժամանակ ծխելու հետևանքով: Ընդ որում՝ այս բուժիչ օշարակը ոչ միայն մաքրում է թոքերը, այլև օգնում է բարելավել ինքնազգացողությունը:

Բաղադրությունը.

·        400 գրամ սոխ,

·        2 թեյի գդալ քրքում,

·        կոճապղպեղի արմատ (3 սմ),

·        1 լիտր ջուր,

·        400 գրամ շագանակագույն շաքար:

Պատրաստման եղանակը.

Օշարակը պատրաստելու համար հարկավոր է ջուրը եռացնել, այնուհետև ավելացնել մանր կտրատած սոխն ու քերիչով մանրացրած կոճապղպեղը և լավ խառնել: Եռացող ջրին ավելացնել նաև 2 ճաշի գդալ քրքում ու շագանակագույն շաքար և շարունակել եփել թույլ կրակի վրա, մինչև կաթսայում մնա հեղուկի կեսը: Պատրաստի խառնուրդը վերցնել կրակից, քամել, այնուհետև լցնել ապակյա տարայի մեջ և պահել սառնարանում:

Օգտագործման եղանակը.

Թոքերն ու շնչառական ուղիները մաքրելու համար հարկավոր է ընդունել ստացված դեղամիջոցն օրական երկու անգամ երկուական ճաշի գդալ: Առավել լավ արդյունքի համար խորհուրդ է տրվում ընդունել օշարակն առավոտյան դատարկ ստամոքսին և ընթրիքից առաջ: Դրական արդյունքն ակնհայտ կլինի ընդամենը մի քանի օր անց:

Ի դեպ՝ այս օշարակը կարելի է խառնել նարնջի հյութին և օգտագործել ստացված ըմպելիքը՝ օրգանիզմը նիկոտինից մաքրելու, զարկերակային ճնշումն իջեցնելու և միզուղիների վարակներից ազատվելու համար:

Նյութի աղբյուրը՝ budetezdorovy.ru