Ինչպես բուժել երեխայի հազը. խորհուրդներ փորձառու մանկաբույժից

Հաճախ ծնողները սխալմամբ կարծում են, որ երեխայի հազը մի խնդիր է, որը կարելի է ինքնուրույն հաղթահարել: Հազի դեմ դեղամիջեցներ օգտագործելով նրանք պարզապես չեն գիտակցում, թե ինչ վնաս կարող են հասցնել երեխային:

Takprosto.cc-ն ներկայացրել է հայտնի մանկաբույժ Եվգենի Կոմարովսկու խորհուրդները:

Ինչպես բուժել ուժեղ հազը

1.      Հեռուստատեսությամբ գովազդվող դեղամիջեցների մեծ մասը խորխաբեր ու մուկոլիտիկ միջոցներ են: Դրանց հիմնական գործառույթը խորխի քանակի մեծացումն ու այն ավելի հոսուն դարձնելն է, որպեսզի դրանից ազատվելն ավելի հեշտ լինի:

Երբ երեխայի մոտ նկատվում է քթի փակվածություն, հազ ու բարձր ջերմություն ապա խնդիրը վերին շնչառական ուղիների հիվանդության մեջ է: Այս դեպքում թոքերում կուտակվող լորձի քանակը մեծացնելն անիմաստ է:

2.      Խորխաբեր միջոցները երբեմն հարկավոր են լինում ստորին շնչառական ուղիների որոշ հիվանդությունների դեպքում (բրոնխիտներ, թոքաբորբ): Այդ դեղամիջեցները պարտադիր պետք է լինեն բուսական ծագման: Սակայն հարկ է հիշել, որ ցանկացած հիվանդություն պետք է բուժեն բժիշկները, այլ ոչ թե հեռուստացույց դիտող ծնողները:

3.      Մանկական հազը շատ ավելի թույլ է, քան մեծահասակներինը: Խորխաբեր դեղամիջեցների ընդունումից հետո երեխաները հաճախ ի վիճակի չեն լինում հազալով մաքրել կուտակված խորխի նման քանակությունը, ուստի զարմանալի չէ, որ շատ երկրներում մուկոլիտիկները խորհուրդ չեն տրվում տալ 5 տարեկանից ցածր երեխաներին, իսկ մինչև 2 տարեկան երեխային նման դեղամիջեց նշանակելն, առհասարակ, համարվում է հանցագործություն:

4.      Չոր հազի դեպքում հիանալի բուժիչ միջոց է գազարի թարմ քամած հյութի և կաթի խառնուրդը (1:1 հարաբերակցությամբ): Խառնուրդը հարկավոր է ընդունել օրական 4-5 անգամ: Բացի այդ, կարելի է նաև թրմել բռինչի (калина) հատապտուղները և խմել թեյի տեսքով:

5.      Հարկ է հիշել, որ խորխի վրա արդյունավետ կերպով ազդելու համար (նույնիսկ ժամանակակից դեղամիջեցների օգտագործման դեպքում) հարկավոր է պահպանել երկու պարտադիր պայման՝ մաքուր ու սառը օդ (+18-+20 °С) այն տարածությունում, որտեղ հիվանդ երեխան է և բավարար քանակությամբ տաք հեղուկ:

Բացի այդ, հարկավոր է նաև հետևել սենյակի օդի խոնավությանը: Այն չպետք է գերազանցի 40–70%-ը, քանի որ տոթ տարածությունը կարող է նպաստել բարդությունների առաջացմանը: Իսկ եթե կա քթի փակվածություն ու բարձր ջերմություն, ապա հասարակ մրսածությունը ամիսներով բուժվող թոքաբորբի վերածելու հավանականությունը կտրուկ բարձրանում է:

6.      Հարկ է նշել, որ հակահազային դեղամիջոցներով ինքնաբուժությամբ զբաղվելը կարող է շատ վտանգավոր լինել, քանի որ հազը պարզապես տհաճ ախտանշան չէ: Սա թոքերի մաքրման ամենակարևոր եղանակներից է:

Հազի ճնշման հետևանքով թոքերում կարող է խորխ կուտակվել, ինչն էլ կարող է հանգեցնել բրոնխիտի, թոքաբորբի, թոքերի օդափոխման խանգարումների և մի շարք այլ խնդիրների առաջացման: Բացի այդ, այս դեղամիջեցների չարաշահման հետևանքով կարող է վատանալ լյարդի և երիկամների աշխատանքը:

7. Հակահազային միջոցների գործածությունը թաց հազի դեպքում հակացուցված է: Ինչպես արդեն նշվել է, հազի ճնշումը միայն էլ ավելի կվատացնի իրավիճակը, քանի որ նման դեղամիջոցները նպաստում են խորխի կուտկմանը:

Հարկ է հիշել, որ ինքնաբուժությամբ զբաղվել չի կարելի: Հարկավոր է բուժել ոչ թե հազը, այլ այն հիվանդությունը, որի ախտանշաններից մեկն է այդ հազը: