Նարնջով ու աղով դեղամիջոց՝ հազից ազատվելու համար

15:52 • 23.04.18

Հազից ազատվելը կարող է բավական բարդ լինել, սակայն կա մի արդյունավետ բնական միջոց, որը կօգնի պայքարել հազի դեմ:

Այս դեղամիջոցը բաղկացած է նարնջից ու աղից, ուստի չի առաջացնի որևէ կողմնակի բարդություն: Շատերը գիտեն, որ ցիտրուսային մրգերը հարուստ են վիտամին C-ով, սակայն քչերը գիտեն, թե որքան արդյունավետ կարող է լինել այս մրգի ու աղի համադրությունը:

Սովորաբար մարդիկ օգտագործում են նարնջի պտղամիսը, սակայն ուսումնասիրությունները ցույց են տվել, որ շատ կարևոր ու օգտակար են նաև նարնջի կեղևն ու սպիտակ հատվածը, որոնք պարունակում են մեծ քանակությամբ օգտակար միկրոտարրեր ու վիտամիններ:

Չնայած, որ ջերմային մշակման դեպքում վիտամին C-ն ոչնչանում է, այնուամենայնիվ շնչառական խնդիրներից ազատվելու համար խորհուրդ է տրվում տաքացնել նարինջն ու օգտագործել տաք վիճակում: Սա պայմանավորված է նրանով, որ նարնջի սպիտակ հատվածներն օժտված են հզոր թերապևտիկ հատկություններով, որոնք էլ օգնում են ազատվել հիվանդությունից:

Ձեր ուշադրությանն ենք ներկայացնում այդ արդյունավետ դեղամիջոցի բաղադրատոմսը.

Անհրաժեշտ բաղադրիչներն են.

· 1 հատ նարինջ,

· 1/3 թեյի գդալ ծովի աղ կամ հիմալայյան աղ:

Պատրաստման եղանակը.

Նարինջը հարկավոր է դնել աղաջրի մեջ և թողնել 20 րոպե, այնուհետև կտրել դրա վերին հատվածից մոտ 2 սմ, որպեսզի ստացվի «կափարիչ»: Այս ամենից հետո հարկավոր է պատառաքաղով մի քանի անց անել նարնջի պտղամսի մեջ, պատել դրանք աղով, թողնել մինչև աղը լուծվի և փակել «կափարիչով»: Նարինջը հարկավոր է դնել տաք գոլորշու վրա և թողնել 15 րոպե, այնուհետև ուտել այն տաք վիճակում:

Այս կերպ պատրաստված նարինջը հարկավոր է ուտել օրական 1 անգամ, իսկ բուժման կուրսը տևում է 3-5 օր: Սակայն հարկավոր է հաշվի առնել, որ աղի պատճառով այս միջոցը հակացուցված է զարկերակային գեճնշումից տառապողներին:

Նյութի աղբյուրը՝ budetezdorovy.ru