Լավագույն բնական միջոցները գորտնուկներից, պապիլոմաներից և մաշկային այլ խնդիրներից ազատվելու համար

Մաշկը մարդու օրգանիզմի ամենամեծ օրգանն է, որը պաշտպանում է արտաքին միջավայրի վնասակար ազդեցությունից: Սակայն այս օրգանը հաճախ է ախտահարվում և ի հայտ են գալիս մաշկային այնպիսի խնդիրներ, ինչպիսին են պապիլոմաները, գորտնուկները, բշտիկներն ու պիգմենտային հետքերը:

Ձեր ուշադրությանն ենք ներկայացնում լավագույն բնական միջոցները մաշկային ամենատարբեր խնդիրներից ազատվելու համար:

Խալեր

Խալերը, որպես կանոն, անվտանգ են լինում և չեն առաջացնում առողջական խնդիրներ: Սակայն միևնույն ժամանակ դրանք կարող են բավական տգեղ լինել, ուստի զարմանալի չէ, որ մարդիկ հաճախ փորձում են ազատվել դրանցից:

Գերչակի յուղ և կերակրի սոդա. հարկավոր է մի փոքր կերակրի սոդային ավելացնել մի քանի կաթիլ գերչակի յուղ, լավ խառնել և քսել խալին: Խառնուրդը հարկավոր է թողնել մի քանի ժամ, այնուհետև կրկնել պրոցեդուրան: Այս պրոդեդուրան անհրաժեշտ է կրկնել օրական երկու անգամ, իսկ բուժման կուրսը տևում է մեկ ամիս:

Արքայախնձորի հյութ. այս հյութը գունաբացում է պիգմենտը, սակայն փաստացի չի ազատում խալից: Այս մեթոդը կիրառելու դեպքում հարկավոր է բամբակյա տամպոնը թրջել արքայախնձորի հյութով, դնել այն խալի վրա և ամրացնել: Այս պրոդեդուրան անհրաժեշտ է կրկնել օրական երկու անգամ, իսկ բուժման կուրսը տևում է երկու շաբաթ:

Գորտնուկներ

Գորտնուկները սովորաբար ի հայտ են գալիս ձեռքերին ու ոտքերին, իսկ դրանց հարուցիչը մարդու պապիլոմայի վիրուսն է, որը հեշտությամբ կարող է փոխանցվել հիվանդից առողջ մարդուն:

Թարմ սխտոր. սխտորը հարկավոր է տրորել, դնել գորտնուկի վրա և ամրացնել վիրակապով: Թողնել սխտորը մոտ կես ժամ, այնուհետև լվանալ: Այս պրոդեդուրան անհրաժեշտ է կրկնել օրական երկու անգամ, իսկ բուժման կուրսը տևում է առնվազն մեկ շաբաթ:

Վիտամին C. վիտամին C-ի մի քանի դեղահաբը մանրացնել, ավելացնել մի փոքր ջուր, այնուհետև ստացված մածուկը քսել գորտնուկին և ամրացնել: Պրոցեդուրան հարկավոր է կրկնել ամեն օր:

Բշտիկներ ու սև կետեր

Նման խնդիրներ կարող են առաջանալ յուրաքանչյուրի մոտ: Դրանք սովորաբար պայմանավորված են լինում մաշկի աղտոտվածությամբ, մահացած բջիջներով կամ ճարպի կուտակմամբ:

Դարչին. խառնել մեկական թեյի գդալ կիտրոնի հյութն ու դարչինը, այնուհետև ստացված մածուկը քսել ախտահարված մաշկին, թողնել մոտ 15 րոպե և լվանալ:

Վարսակ. ½ թեյի գդալ մեղրն ու տոմատի հյութը խառնել, այնուհետև ավելացնել 1 ճաշի գդալ վարսակի շիլա (նախապես պատրաստել) և խառնել մինչև ստացվի համասեռ զանգված: Ստացված մածուկը հարկավոր է քսել մաշկին, մի փոքր մերսել, թողնել մոտ 15 րոպե, այնուհետև լվանալ:

Պապիլոմաներ

Պապիլոմաներն առավել հաճախ ի հայտ են գալիս 40-45 տարեկան անձնանց մոտ:

Խնձորի քացախ. բամբակյա սկավառակը թրջել խնձորի քացախով, դնել ախտահարված մաշկին և թողնել 20-25 րոպե: Կրկնել պրոցեդուրան օրական երեք անգամ:

Թեյի ծառի յուղ. բամբակյա սկավառակի վրա կաթեցնել 4 կաթիլ թեյի ծառի յուղ և օգտագործել այն մաշկը մերսելու համար: Յուղը հարկավոր է թողնել մի քանի ժամ, այնուհետև լվացվել: Այս պրոցեդուրան անհրաժեշտ է կրկնել օրական 3 անգամ, իսկ բուժման կուրսը տևում է մի քանի շաբաթ:

Պիգմենտային հետքեր

Պիգմենտային հետքերը սովորաբար ի հայտ են գալիս մարմնի այն հատվածների վրա, որոնք առավել շատ են ենթարկվում արևի ճառագայթների ազդեցությանը: Դրանք կարող են լինել ինչպես բաց գույնի (արևայրուքի նման), այնպես էլ մուգ (անգամ գրեթե սև):

Մասուրի եթերայուղ. հարկավոր է մասուրի եթերայուղի մի քանի կաթիլը քսել խոնավ պիգմենտավորված մաշկին, մի քանի րոպե մերսել և թողնել յուղը ներծծվի:

Խորդենու (герань) եթերայուղ. այս բույսը հարուստ է հակաօքսիդանտներով, որոնք օգնում են ազատվել պիգմենտային հետքերից: Հարկավոր է մի քանի կաթիլ խորդենու յուղն ավելացնել մեկ թեյի գդալ որևէ այլ յուղին (օրինակ՝ ձիթայուղին կամ կոկոսյան ընկույզի յուղին), լավ խառնել և ստացված խառնուրդն օգտագործել քնելուց առաջ մաշկը մերսելու համար:

Նյութի աղբյուրը՝ budetezdorovy.ru