Արդյունավետ բնական դեղամիջոց հազից ազատվելու և թոքերը, կոկորդն ու բրոնխները բուժելու համար

21:55 • 07.05.18

Ներկայում թոքերի հետ կապված առողջական խնդիրները բավական տարածված են և կարող են խիստ վտանգավոր լինել ժամանակին չբուժելու դեպքում: Բացի այդ, նման խնդիրները սովորաբար ուղեկցվում են նաև հազով, քանի որ այդ կերպ օրգանիզմը փորձում է ազատվել կուտակված լորձից:

Թոքերի հիվանդություններից ազատվելու համար մարդիկ հաճախ հսկայական գումարներ են վատնում դեղամիջոցների վրա՝ մոռանալով, որ կան բուժման բազմաթիվ արդյունավետ և շատ ավելի անվնաս բնական միջոցներ:

Ձեր ուշադրությանն ենք ներկայացնում մի բնական միջոց, որը կօգնի կարճ ժամանակում ազատվել խորխից ու հազից: Այս դեղամիջոցի գլխավոր բաղադրիչը գազարն է, որը պարունակում է նմեծ քանակությամբ A, C և B վիտամիններ, ինչպես նաև երկաթ, կալիում, կալցիում, նատրիում և ֆոսֆոր: Նման օգտակար տարրերի շնորհիվ գազարն օգնում է բարելավել ինքնազգացողությունը, մաքրել թոքերը կուտակված լորձից և ազատվել հազից ու տհաճ զգացողություններից:

Այս դեղամիջոցը ոչ միայն պայքարում է գրիպի ու մրսածության ախտանշանների դեմ, այլև օգնում է մեղմել հոդացավերն ու բորբոքումները, ազատվել սթրեսից և բուժել գաստրիտն ու այրոց: Բացի այդ, այն էներգիա է հաղորդում և օգնում է բուժել բրոնխաբորբն ու ասթման:

Բաղադրությունը.

· 5-6 հատ խոշոր գազար,

· 1 կիտրոնից քամված հյութ,

· 4-5 ճաշի գդալ մեղր:

Պատրաստման եղանակը.

Գազարները մաքրել և կտրատել, այնուհետև խաշել քիչ քանակությամբ ջրով մինչև այն փափկի: Երբ խաշած գազարները սառեն, մանրացնել դրանք կոտորակիչով կամ պատառաքաղով, ավելացնել կիտրոնի հյութն ու մեղրը և լավ խառնել մինչև ստացվի համասեռ զանգված: Պատրաստի դեղամիջոցը հարկավոր է լցնել ապակյա տարրայի մեջ, տարրան կափարիչով փակել և պահել սառնարանում:

Օգտագործման եղանակը.

Ստացված դեղամիջոցը հարկավոր է ընդունել օրական 4-5 անգամ մեկական ճաշի գդալ մինչև բոլոր ախտանշանների անհետանալը: Սակայն մինչ ժողովրդական միջոցներով բուժվելը անհրաժեշտ է խորհրդակցել մասնագետի հետ, քանի որ ինքնաբուժությունը կարող է խիստ վտանգավոր լինել:

Նյութի աղբյուրը՝ budetezdorovy.ru