4 բնական ըմպելիք՝ դաշտանադադարի ախտանշանները մեղմելու համար

Դաշտանադադարը մի փուլ է, որը վաղ թե ուշ լինում է յուրաքանչյուր կնոջ կյանքում: Սովորաբար դաշտանադադարը սկսվում է 45-50 տարեկանում, սակայն կարող է ավելի շուտ կամ ավելի ուշ:

Դաշտանադադարի ամենատարածված ախտանշանը «մակընթացություններն» են, որոնք սովորաբար տևում են մի քանի րոպե և որոնց ընթացքում կնոջ պարանոցն ու դեմքը կարմրում են:

Մյուս ախտանշանների շարքին կարող են դասվել տրամադրության տատանումները, թախիծը, դյուրագրգիռությունն ու անհամբերությունը: Ավելի հազվադեպ կարող է նկատվել թմրածություն ու ծակծկոց, գլխապտույտ, մոռացկոտություն և անուշադրություն:

Շատ կանայք տառապում են նաև անքնությունից, ինչն էլ ավելի վատացնում վիճակը: Սակայն կան բնական ու արդյունավետ միջոցներ, որոնք կօգնեն մեղմել դաշտանադադարի ախտանշանները, բարելավել ինքնազգացողությունը և բարձրացնել տրամադրությունը: Ձեր ուշադրությանն ենք ներկայացնում դրանցից մի քանիսը:

1.      Մոշի թեյ

Բաղադրությունը.

·        1 լիտր ջուր,

·        մոշի 3-5 տերև կամ 2-3 ճ.գ  թարմ կամ սառեցրած մոշ:

Ջուրը եռացնել, ավելացնել տերևները կամ հատպտուղները (կարելի է երկուսն էլ օգտագործել), այնուհետև կաթսան վերցնել կրակից և ծածկել: Թուրմը հարկավոր է խմել օրական 4 բաժակ՝ ուտելու ժամերի միջև:

2.      Դդումով ու անանուխով սմուզի

Բաղադրությունը.

·        200-250 գրամ դդմի պտղամիս,

·        2 ճ.գ. դդմի սերմեր,

·        անանուխի 10 տերև:

Բոլոր բաղադրիչները լցնել կոտորակիչի մեջ և լավ մանրացնել մինչև դառնա համասեռ զանգված: Այնուհետև ստացված զանգվածը քամել և որոշ ժամանակ թրմել: Այս ըմպելիքը խորհուրդ է տրվում ընդունել ճաշի կամ նախաճաշի փոխարեն: Կուրսը տևում է 30 օր:

3.      Վարունգի հյութ

Բաղադրությունը.

·        2-3 հատ վարունգ,

·        50-100 մլ ջուր (ըստ ցանկության):

Բաղադրիչները լցնել կոտորակիչի մեջ և մանրացնել, մինչև դառնա համասեռ զանգված: Ըմպելիքը քամել և անմիջապես խմել: Այս հյութը հարկավոր է խմել օրական 2 անգամ՝ մեկական բաժակ:

4.      Գազարով և նեխուրով հյութ

Բաղադրությունը.

·        2 հատ գազար,

·        նեխուրի 2 ճյուղ:

Բաղադրիչները կոտորակիչով մանրացնել, մինչև դառնա համասեռ զանգված և անմիջապես խմել: Ցանկության դեպքում կարելի է ավելացնել նաև մի փոքր ջուր: Ընդունել օրական մեկ անգամ մեկ բաժակ:

Նյութի աղբյուրը՝ natureba.net