Ինչպես կարգավորել արյան մեջ շաքարի մակարդակը և ազատվել հազից, այտուցներից ու ավելորդ քաշից դափնու տերևների միջոցով

Դափնու տերևներն ունեն յուրահատուկ բույր, ինչի շնորհիվ հաճախ օգտագործվում են որպես համեմունք տարատեսակ ուտեստներ պատրաստելիս: Սակայն այն միայն համեմունք չէ, այլ հզոր դեղաբույս, որը կօգնի ազատվել տարբեր հիվանդություններից:

Այս բույսն օժտված է հզոր միզամուղ, հակառևմատիկ ու հակաբորբոքային հատկություններով, ինչի շնորհիվ բարելավում է մարսողական համակարգի աշխատանքն ու խթանում է նյութափոխանակությունը:

Դափնու տերևներից պատրաստված թեյը հիանալի բուժիչ միջոց է և օգնում է ազատվել առողջական այնպիսի խնդիրներից, ինչպիսին են.

·        մարսելախանգարումը,

·        լյարդի բորբոքումն ու ճարպակալումը,

·        դաշտանային ջղաձգումները,

·        դաշտանադադարի ախտանշանները,

·        արյան մեջ շաքարի բարձր մակարդակն ու շաքարային դիաբետը,

·        ականջաբորբը,

·        մաշկային վարակները,

·        գլխացավերը,

·        զարկերակային ճնշման բարձրացումը,

·        փորափքանքն ու գազերի կուտակումը,

·        արթրիտով, հոդատապով ու ռևմատիզմով պայմանավորված ցավերը և այլն:

Բացի այդ, այս բույսի տերևները նաև հիանալի խորխաբեր միջոց են, ուստի կարող են օգտագործվել մրսածության, բրոնխաբորբի, հազի և շնչուղիների այլ հիվանդությունների դեպքում: Այս օգտակար բույսը կօգնի նաև արագացնել նյութափոխանակությունն ու ազատվել ավելորդ քաշից:

Ինչպես պատրաստել դափնու տերևներով թեյ

Անհրաժեշտ բաղադրիչներն են.

·        դափնու 3 տերև,

·        1 լիտր ջուր:

Պատրաստման եղանակը.

Թեյը պատրաստելու համար հարկավոր է նախ ջուրը եռացնել, այնուհետև ավելացնել դափնու տերևները, վերցնել կաթսան կրակից, ծածկել կափարիչով և թրմել 10 րոպե: Ստացված թեյը հարկավոր է խմել օրական 3-4 անգամ, սակայն հարկ է հիշել, որ այն հակացուցված է հղիներին ու երեխային կրծքով կերակրող կանանց:

Սակայն այս ըմպելիքը կարող է առաջացնել որոշ կողմնակի բարդություններ (մասնավորապես՝ քնկոտություն ու ստամոքսի գրգռում), ուստի նման խնդիրներից խուսափելու համար հարկավոր է ուշադիր լինել և չչարաշահել այն:

Այս մեթոդով բուժման կուրսը տևում է երեք շաբաթ կամ մինչև առողջական վիճակի բարելավումը: Եթե նպատակն ավելորդ քաշից ազատվելն է, ապա թեյը հարկավոր է խմել 20 օր, այնուհետև անել 15 օր տևողությամբ դադար և կրկնել կուրսը:

Ինչպես պատրաստել դափնու տերևներով օշարակ

Ոչ պակաս օգտակար կարող է լինել դափնու տերևներով օշարակը, որը հիանալի բնական միջոց է հազից ազատվելու համար:

Անհրաժեշտ բաղադրիչներն են.

·        150 մլ մաքուր ջուր

·        6 ճաշի գդալ շագանակագույն շաքարավազ (կամ մեղր),

·        1 հատ կիտրոն,

·        դափնու 6 տերև:

Պատրաստման եղանակը.

Օշարակը պատրաստելու համար նախ հարկավոր է եռացնել ջուրը, այնուհետև ավելացնել դափնու տերևները, փակել կաթսան կափարիչով և շարունակել եփել մոտ 6 րոպե: Վերցնել եփուկը կրակից, թողնել մինչև այն սառի, այնուհետև հեռացնել դափնու տերևները: Ստացված հեղուկն անհրաժեշտ է լցնել ապակյա տարայի մեջ, այնուհետև ավելացնել շաքարավազն ու կիտրոնի հյութը և լավ խառնել:

Այս բուժիչ օշարակն անհրաժեշտ է ընդունել օրական 3-5 անգամ մեկական ճաշի գդալ: Սաստիկ հազի դեպքում կարելի է մեծացնել օշարակի չափաբաժինը: Այն հիանալի դեղամիջոց է չոր հազի դեպքում և կարող է 3-4 օր պահվել սառնարանում:

Սակայն հարկ է հիշել, որ առողջական լուրջ խնդիրների և ուժեղ ցավերի դեպքում հարկավոր է անպայման խորհրդակցել համապատասխան մասնագետի հետ, քանի որ ինքնաբուժությունը կարող է խիստ վնասակար լինել առողջության համար և էլ ավելի վատացնել հիվանդի վիճակը: Բացի այդ, միայն փորձառու մասնագետը կարող է ճիշտ ախտորոշել հիվանդությունն ու նշանակել անհրաժեշտ բուժումը, որը կլինի և՛ արդյունավետ, և՛ անվնաս:

Նյութի աղբյուրը՝ budetezdorovy.ru