Համեղ ու օգտակար ըմպելիք՝ երիկամները տոքսիններից ու քարերից մաքրելու համար

Երիկամները շատ կարևոր են, քանի որ պատասխանատու են օրգանիզմի կենսական նշանակություն ունեցող ֆունկցիաների համար: Դրանք ոչ միայն մաքրում են օրգանիզմը տոքսիններից, այլև կարգավորում են զարկերակային ճնշումը, և հենց սա է պատճառը, որ երիկամների հետ կապված ցանկացած խնդիր բացասաբար է ազդում ամբողջ օրգանիզմի վրա:

Այնուամենայնիվ՝ մարդիկ ոչ միշտ են հոգ տանում երիկամների մասին, իսկ անառողջ կենսակերպն ու վատ սովորությունները էլ ավելի են վատացնում վիճակը՝ արդյունքում հանգեցնելով մի շատ լուրջ հետևանքների:

Սակայն խնդիրն այն է, որ երիկամների աշխատանքի խանգարումների դեպքում ոչ միշտ են ի հայտ գալիս դրանց մասին վկայող ախտանշաններ, ինչի հետևանքով հիվանդություններն ախտորոշվում են բավական ուշ: Սա է պատճառը, որ մասնագետները հորդորում են ավելի ուշադիր լինել և խուսափել այնպիսի վատ սովորություններից, ինչպիսին են.

·        բավարար քանակությամբ ջուր չխմելը,

·        կոֆեինի, աղի, շաքարի ու ճարպերի չարաշահումը,

·        գազավորված ըմպելիքների ու ալկոհոլի հաճախակի գործածությունը,

·        միզապարկը ժամանակին չդատարկելը,

·        ծխախոտի չարաշահումն ու նստակյաց կենսակերպ վարելը:

Բացի այդ, երիկամների աշխատանքի վատացումից խուսափելու համար հարկավոր է պարբերաբար մաքրել դրանք կուտակված քարերից, տոքսիններից ու այլ ախտածին նյութերից: Այս դեպքում շատ արդյունավետ կարող են լինել ժողովրդական փորձված միջոցները, որոնք, ի տարբերություն վնասակար դեղամիջոցների, պարունակում են միայն բնական օգտակար բաղադրիչներ և չեն առաջացնում կողմնակի բարդություններ:

Ձեր ուշադրությանն ենք ներկայացնում այդ բնական դեղամիջոցներից մեկը: Այս համեղ ու օգտակար ըմպելիքը ոչ միայն արդյունավետ կերպով մաքրում է երիկամները, այլ նաև օգնում է կանխարգելել հետագայում նման խնդիրների առաջացումը:

Ըմպելիքի համար անհրաժեշտ բաղադրիչներն են.

·        ½ թեյի գդալ քրքում (փոշի),

·        մի պտղունց կծու կարմիր պղպեղ,

·        2 թեյի գդալ կիտրոնի թարմ հյութ,

·        1 բաժակ կտրատած ձմերուկ (թարմ կամ սառեցված),

·        ½ թեյի գդալ կոճապղպեղի արմատ (քերիչով մանրացրած):

Պատրաստման եղանակը.

Ըմպելիքը պատրաստելու համար պարզապես հարկավոր է բոլոր բաղադրիչները լցնել կոտորակիչի մեջ և լավ խառնել մինչև ստացվի համասեռ զանգված: Խառնուրդը հարկավոր է թրմել մոտ 10 րոպե, այնուհետև ըմպել այն:

Երիկամները քարերից, վարակներից ու վնասակար նյութերից մաքրելու համար խորհուրդ է տրվում խմել այս ըմպելիքն օրական 2 անգամ: Բուժման կուրսը տևում է 2-3 շաբաթ, որից հետո այս միջոցը կարելի է կիրառել շաբաթական 2-3 անգամ՝ որպես պրոֆիլակտիկ միջոց:

Բաղադրիչների օգտակար հատկությունները.

·        Ձմերուկը հիանալի միջոց է երիկամները տոքսիններից մաքրելու և միզուղիների հիվանդություններից ազատվելու համար:

·        Քրքումն օժտված է հզոր հակաբորբոքային հատկություններով, ինչի շնորհիվ օգնում է ազատվել բորբոքումներից:

·        Կիտրոնը կիտրոնաթթվի հարուստ աղբյուր է, իսկ այդ նյութն օգնում է կանխել մանր քարերի աճն ու փափկեցնում է խոշոր քարերը:

·        Կոճապղպեղը հարուստ է առողջության համար շատ կարևոր վիտամիններով ու հանքանյութերով (օրինակ՝ վիտամին C-ով, մագնեզումով և այլն), ինչպես նաև օժտված է հզոր հակաբորբոքային ու մաքրող հատկություններով:

Սակայն հարկ է հիշել, որ առողջական լուրջ խնդիրների ու ուժեղ ցավերի դեպքում հարկավոր է անպայման խորհրդակցել բժշկի հետ և չզբաղվել ինքնաբուժությամբ, քանի որ դա կարող է առողջության համար խիստ վտանգավոր լինել և էլ ավելի վատացնել հիվանդի վիճակը: Բացի այդ, միայն փորձառու մասնագետը կարող է ճիշտ ախտորոշել հիվանդությունն ու նշանակել անհրաժեշտ բուժումը, որը կլինի և՛ արդյունավետ, և՛ անվնաս:

Նյութի աղբյուրը՝ budetezdorovy.ru