Արդյունավետ պրոցեդուրա՝ ոտքերի կոշտացած մաշկից, ճաքերից ու կոշտուկներից ազատվելու համար

Ոտքերի մաշկը բավական զգայուն է ու խոցելի, ինչի հետևանքով էլ շատ շուտ է վնասվում: Արտաքին միջավայրի անբարենպաստ պայմանների, սխալ ընտրված կոշիկների կամ ոչ ճիշտ խնամքի պատճառով այն շատ հաճախ չորանում է, դառնում է անհարթ ու պատվում է ճաքերով և կոշտուկներով, ինչը զգալիորեն վատացնում է ոտքերի տեսքը:

Նման խնդիրներից ազատվելու և հարթ ու նուրբ մաշկ ունենալու համար կանայք հաճախ այցելում են գեղեցկության սրահներ, սակայն խնդիրն այն է, որ այդ սրահներում անցկացվող պրոցեդուրաները բավական թանկարժեք են, ուստի ոչ բոլորի գրպանին են հարմար:

Այնուամենայնիվ կա մի պարզ, հասանելի ու արդյունավետ միջոց, որը կօգնի ազատվել ոտքերի կոշտացած մաշկից, ճաքերից, կոշտուկներից և անգամ սնկերից:

Այս պարզ պրոցեդուրայի համար անհրաժեշտ է.

·        ասպիրինի 5 դեղահաբ,

·        կիտրոնի հյութ,

·        պեմզա:

Պրոցեդուրան.

Առաջին հերթին հարկավոր է ասպիրինի դեղահաբերը փշրել ու փոշի դարձնել, այնուհետև սատացված զանգվածին ավելացնել կիտրոնի հյութ և լավ խառնել մինչև ստացվի համասեռ մածուցիկ զանգված:

Երբ դեղամիջոցը պատրաստ լինի, հարկավոր է ոտքերը լավ լվանալ, այնուհետև շրջանաձև շարժումներով քսել խառնուրդն ախտահարված հատվածներին: Այն հարկավոր է թողնել առնվազն 30 րոպե, այնուհետև մերսել մաշկը պեմզայով՝ մաշկը շերտազատելու և մահացած բջիջներից ազատվելու համար:

Պրոցեդուրան ավարտելուն պես հարկավոր է լվանալ ոտքերը մեծ քանակությամբ ջրով՝ դեղամիջոցի մնացորդները մաքրելու համար: Այս միջոցը կարելի է կիրառել ամեն օր, իսկ էլ ավելի լավ արդյունքի հասնելու համար՝ օրական երկու անգամ: Այն անչափ արդյունավետ է, իսկ դրական արդյունքն ակնհայտ կլինի ընդամենը մեկ շաբաթից:

Կիտրոնն անչափ օգտակար մթերք է, որն օգտագործվում է առողջական տարբեր խնդիրներից ազատվելու համար: Այն մաքրում է մաշկը մահացած բջիջներից, գունաբացում ու հարթեցնում է մաշկը, ինչպես նաև դանդաղեցնում է կնճիռների առաջացման գործընթացը:

Շատ արդյունավետ միջոց է նաև ասպիրինը: Այն ոչ միայն արդյունավետ կերպով մեղմում է ցավը, այլև մաքրում, վերականգնում ու խոնավեցնում է մաշկը:

Սակայն հարկ է հիշել, որ ցանկացած ժողովրդական միջոցի օգտագործումից առաջ անհրաժեշտ է անպայման խորհրդակցել մասնագետի հետ, քանի որ ինքնաբուժությունը կարող է խիստ վտանգավոր լինել և էլ ավելի վատացնել հիվանդի վիճակը: Բացի այդ, միայն փորձառու մասնագետը կարող է ճիշտ ախտորոշել խնդիրն ու նշանակել անհրաժեշտ բուժումը, որը կլինի և՛ արդյունավետ, և՛ անվնաս:

Նյութի աղբյուրը՝ budetezdorovy.ru