Ժողովրդական միջոց, որը կօգնի մաքրել արյունատար անոթներն ու կարգավորել արյան շրջանառությունը

Աթերոսկլերոզը շատ տարածված ախտաբանություն է, որն առաջանում է, երբ խոլեստերինը, ճարպերն ու այլ վնասակար նյութերը կուտակվում են զարկերակներում՝ առաջացնելով կարծր վահանիկներ: Ժամանակի ընթացքում այդ կուտակումները կարող են առաջացնել խցանումներ, ինչը խիստ վնասակար է առողջության համար:

Նման խցանումները ոչ միայն բացասաբար են ազդում արյան շրջանառության վրա, այլև բարձրացնում են սրտի նոպաների և գլխուղեղի կաթվածի առաջացման հավանականությունը: Նման խնդիրներից խուսափելու համար հարկավոր է հետևել զարկերակների մաքրությանն ու պարբերաբար ազատվել վտանգավոր կուտակումներից:

Զարկերակները կարելի է մաքրել հատուկ դեղամիջոցների օգնությամբ, սակայն դրանք սովորաբար բազմաթիվ կողմնակի բարդություններ են առաջացնում: Սակայն գոյություն ունի մի բնական միջոց, որը ոչ միայն կմաքրի զարկերակները, այլև կազատի աղիների հետ կապված խնդիրներից ու հոգնածության զգացումից:

Բաղադրությունը.

·        1 բաժակ կիտրոնի հյութ,

·        1 բաժակ խնձորի քացախ,

·        1 բաժակ մանրացրած սխտոր,

·        1 բաժակ մանրացրած կոճապղպեղի արմատ (թարմ),

·        1 բաժակ մեղր (ցանկության դեպքում կարելի է օգտագործել 2 բաժակ մեղր):

Պատրաստման եղանակը.

Դեղամիջոցը պատրաստելու համար հարկավոր է պարզապես բոլոր բաղադրիչները խառնել, որպեսզի ստացվի համասեռ զանգված: Հարկ է հիշել, որ բաղադրիչները խառնելու համար անհրաժեշտ է օգտագործել միայն փայտյա գդալ, իսկ պատրաստի դեղամիջոցը հարկավոր է լցնել ապակյա տարայի մեջ և պահել սառնարանում:

Օգտագործման եղանակը.

Ստացված խառնուրդը խորհուրդ է տրվում օգտագործել ամեն օր առավոտյան դատարկ ստամոքսին: Այն օգտագործելուց առաջ հարկավոր է անպայման թափահարել տարան և լավ խառնել դեղամիջոցը, այնուհետև դրա մեկ ճաշի գդալը լցնել մի բաժակ մաքուր գոլ ջրի մեջ, լավ խառնել և խմել ստացված խառնուրդը:

Այս դեղամիջոցի մեջ պարունակվող կիտրոնի հյութը հիմնայնացնող ազդեցություն է ունենում օրգանիզմի վրա: Բացի այդ, վիտամին C-ն օգնում է դանդաղեցնել աթերոսկլերոզի զարգացումն ու կանխում է զարկերակներում «վատ» խոլեստերինի կուտակումը:

Կոճապղպեղը պարունակում է հակաբորբոքային հզոր հատկություններով օժտված միացություններ, որոնք օգնում են ազատվել բորբոքումներից ու բարելավում են արյան շրջանառությունը: Բացի այդ, կոճապղպեղը նաև նվազեցնում է զարկերակներում կուտակվող տրիգլիցերիդների ու խոլեստերինի մակարդակը:

Սխտորը հարուստ է ալիցինով, որը նպաստում է զարկերակների թուլացմանն ու արյան շրջանառության կարգավորմանը: Այս ամենի շնորհիվ նվազում է արյան ճնշումը, ինչն օգնում է նվազեցնել սրտամկանի վրա գործադրվող ճնշումն ու հագեցնել օրգանը թթվածնով:

Խնձորի քացախի մեջ պարունակվող քացախաթթուն նվազեցնում է արյան մեջ խոլեստերինի և տրիգլիցերիդների մակարդակները, ինչն օգնում է պահպանել անոթների առողջությունը:

Նյութի աղբյուրը՝ budetezdorovy.ru