Ռուսական ժողովրդական հակամակաբուծային միջոցների բաղադրատոմսեր

Բազմաթիվ ուսումնասիրությունների արդյունքում հայտինի բժիշկ Հիլդա Կլարկը եկել է այն եզրահանգման, որ մարդու քրոնիկ հիվանդությունները պայմանավորված են լինում երկու պատճառով՝ մակաբույծներով ու էկոտոքսիններով:

Առհասարակ մակաբույծների առկայության դեպքում առողջության մասին խոսք անգամ չի կարող լինել: Օրգանիզմում մակաբույծների առկայության մասին վկայող առաջին օրգանը մաշկն է, որը հուշում է խնդրի մասին էկզեմայով, ուժգին քորով, ցանով և այլ ախտանշաններով:

Սակայն բժիշկ Իվչենկոն ներկայացրել է ռուսական ժողովրդական երկու հակամակաբուծային միջոց, որոնք ոչնչացնում են մակաբույծների, բակտերիաների, վիրուսների ու սնկերի ավելի քան 100 տեսակ: Բացի այդ, այդ հակամակաբուծային միջոցներից մեկի բաղադրության մեջ պարունակվող մեխակը ոչնչացնում է նույնիսկ այդ մակաբույծների ձվերը՝ թույլ չտալով, որ դրանք շարունակեն բազմանալ:

Շատերին օրգանիզմում ապրող մակաբույծները ոչ մի անհանգստություն չեն պատճառում: Սա սիմբիոզ է, որը հարմար երկու օրգանիզմներին էլ: Բացի այդ, շատերը կարծում են, որ եթե իրենց օրգանիզմից ճիճուներ դուրս չեն թափվում, ապա նրանք ոչ մի մակաբույծ չունեն, ինչն իրականում շատ թյուր պնդում է:

Մեծ մասամբ մակաբույծների մեծ մասը պարզապես չի հասցնում դուրս գալ օրգանիզմից, քանի որ մարսվում է: Սակայն եթե առաջանում են մարսողական խնդիրներ (փորափքանք, մարսելախանգարում, փորկապություն և այլն) կամ մաշկային խնդիրներ (ակնե, պսորիազ, վիտիլիգո և այլն), ապա խնդիրը չափազանց շատ բազմացած մակաբույծներն են, որոնք իրենց տոքսիններով թունավորում են մարդու օրգանիզմը:

Սա է պատճառը, որ նույնիսկ եթե մարդը շատ մաքրասեր է և չի հավատում, որ կարող է մակաբույծներ ունենալ, սակայն կան մարսողական կամ մաշկային խնդիրներ, ապա տարեկան 1-2 անգամ միևնույն է պետք է կանխարգելիչ նպատակներով հակամակաբուծային միջոց ընդունի (բուժման մեկ կուրս):

Ձեր ուշադրությանն ենք ներկայացնում բժիշկ Իվչենկոյի մշակած երկու հակամակաբուծային միջոցները, որոնք կօգնեն մաքրել օրգանիզմն ու կանխել ախտահարումը:

Առաջին բաղադրատոմսի համար հարկավոր է լվածաղիկ (пижма), օշինդր և մեխակ: Այղ բաղադրիչները ոչ միայն ազատում են մակաբույծներից ու մանրէներից այլև իջեցնում են մարմնի ջերմաստիճանն ու ազդում որպես հակասեպտիկ միջոց:

Անհրաժեշտ է բոլոր բաղադրիչները սրճաղացով մանրացնել, մինչև ստացվի համասեռ փոշիանման զանգված: Լվածաղկի ծաղիկների մեկանգամյա չափաբաժինը 1 գրամն է, իսկ օրական չափաբաժինը՝ 3 գրամը: Դառը օշինդրի խոտի մեկանգամյա չափաբաժինը 300 մգ է, իսկ օրական չափաբաժինը՝ 1 գրամը: Մեխակի մեկանգամյա չափաբաժինը 0.5 գրամն է, իսկ օրական չափաբաժինը՝ 1.5 գրամը:

Լավ արդյունքի համար խորհուրդ է տրվում բոլոր բաղադրիչները միասին ընդունել: Կարելի է նախապես խառնել դրանք, այնուհետև լցնել դատարկ դեղապատիճերի մեջ և ընդունել այդպես: Դեղապատիճների բացակայության դեպքում խառնուրդը կարելի է պարզապես կուլ տալ և մի փոքր ջուր խմել, քանի որ դեղաբույսերը խիստ դառն են:

Ստացված խառնուրդը հարկավոր է միշտ ընդունել ուտելուց կես ժամ առաջ: Առաջին օրն այն հարկավոր է ընդունել միայն մեկ անգամ՝ առավոտյան (մեկ չափաբաժին): Երկրորդ օրը խառնուրդը հարկավոր է ընդունել երկու անգամ՝ առավոտյան և ճաշից առաջ, իսկ երրորդ օրը՝ երեք անգամ: Երրորդ օրից սկսած մինչև շաբաթվա վերջ խառնուրդն անհրաժեշտ է ընդունել օրական երեք անգամ, իսկ կուրսի ավարտից հետո մի քանի ամիս շարունակ շաբաթական մեկ անգամ՝ մեկօրյա չափաբաժնով:

Սակայն դեղաբույսերի այս խառնուրդը ոչ բոլորն են կարող օգտագործել: Այն հակացուցված է խոցային հիվանդության և էրոզիա առաջացնող գաստրիտի դեպքում: Արյան գերճնշման դեպքում նույնպես հարկավոր է շատ ուշադիր լինել, քանի որ մեխակը նպաստում է զարկերակային ճնշման բարձրացմանը: Բացի այդ, այդ խառնուրդը չի կարելի օգտագործել նաև դաշտանի ժամանակ:

Հաշվի առնելով, թե որքան շատ հակացուցումներ ունի նախորդ հակաճիճվային դեղամիջոցը՝ բժիշկ Իվչենկոն մշակել է ռուսական ժողովրդական հակաճիճվային դեղամիջոցի ևս մի տարբերակ, որի պատրաստման համար հարկավոր է քիմիոն, վաղենակի ծաղիկներ և խնկեղեգի (аир) արմատ: Ինչպես և նախորդ բաղադրատոմսում, այս դեպքում նույնպես հարկավոր է բոլոր բաղադրիչները մանրացնել և դարձնել փոշի: Քիմիոնի մեկանգամյա չափաբաժինը 0.5 գրամն է, իսկ օրական չափաբաժինը՝ 1.5 գրամը, վաղենակի ծաղիկների մեկանգամյա չափաբաժինը 1 գրամն է, իսկ օրական չափաբաժինը՝ 3 գրամը, իսկ խնկեղեգի արմատինը՝ 0.5 գրամն ու 1.5 գրամը:

Այս դեղաբույսերը տոքսիկ չեն, ուստի դրանց ընդունման համար դեղապատիճներ պետք չեն: Պարզապես անհրաժեշտ է կուլ տալ խառնուրդը և կես բաժակ ջուր խմել: Այս խառնուրդը հարկավոր է ընդունել նախորդի նման, սակայն այս դեպքում բուժման կուրսը տևում է երկու շաբաթ, որից հետո անհրաժեշտ է ընդունել դեղամիջոցը շաբաթական մեկ անգամ (մեկանգամյա չափաբաժնով՝ օրական 3 անգամ):

Բացի այդ, այս բաղադրատոմսը ոչ միայն մաքրում է օրգանիզմը մակաբույծներից, այլև օգնում է ազատվել բշտիկներից և դարձնում է մաշկը հարթ ու առաձգական:

Նյութի աղբյուրը՝ econet.ru