Բնական միջոցներ՝ արյան շրջանառությունը բարելավելու և ոտքերի սառնությունից ազատվելու համար

Տարիքի հետ օրգանիզմն ավելի զգայուն է դառնում և առաջանում են առողջական բազմաթիվ խնդիրներ՝ այդ թվում նաև արյան շրջանառության խանգարումներ: Արյան շրջանառության խանգարմանը նպաստող հիմնական գործոններն են թուլացած արյունատար անոթներն ու նստակյաց կենսակերպը:

Արյան շրջանառության խանգարման առաջին ախտանշանը ոտքերի սառնությունն է: Սա նշանակում է, որ օրգանիզմը հուշում է առողջական լուրջ խնդիրների և շտապ բուժօգնության անհրաժեշտության մասին:

Նման ախտանշանների դեպքում խորհուրդ է տրվում լինել ֆիզիկապես ակտիվ և օգտագործել արյան շրջանառությունը բարելավող բնական միջոցներ:

Ձեր ուշադրությանն ենք ներկայացնում 9 անչափ արդյունավետ բնական միջոց, որոնք կօգնեն բարելավել արյան շրջանառությունն ու ազատվել ոտքերի սառնությունից:

1.      Ջուր

Ջուրն այն հիմնական տարրն է, որից կախված է մարդու առողջությունը: Փաստացի՝ ջուրը կենսական նշանակություն ունի օրգանիզմի բոլոր գործառույթների համար՝ այդ թվում նաև արյան ճիշտ շրջանառության: Սա է պատճառը, որ օրգանիզմում ջրի պակասի դեպքում զարկերակային ճնշումն իջնում է: Արյան շրջանառությունը կարգավորելու և առհասարակ առողջական վիճակը բարելավելու համար խորհուրդ է տրվում օրական միջինում 1-1.5 լիտր ջուր խմել:

2.      Չիլի պղպեղ

Սա շատ օգտակար համեմունք է, որը կարելի է օգտագործել ինչպես թարմ, այնպես էլ չորացրած կամ մանրացրած վիճակում: Այս կծու համեմունքը խթանում է մազանոթներում արյան հոսքը, ինչի շնորհիվ բերանում առաջանում է այրոց, իսկ այտերը կարմրում են:

Սակայն հարկ է հիշել, որ այս պղպեղը խորհուրդ չի տրվում օգտագործել երակների վարիկոզային լայնացման դեպքում: Բացի այդ, չիլի պղպեղը խթանում է ախորժակը, ուստի ցանկալի է խուսափել դրա գործածությունից հղիության ընթացքում:

3.      Ցորենի ծլած հատիկներ

Այս մթերքը բավական տարածված է: Այն հարուստ է վիտամին E-ով, որն ամրապնդում է անոթները, ուստի նախաճաշին ցորենի ծլած հատիկներ օգտագործելը կարող է շատ օգտակար լինել:

4.      Ձիակասկ (конский каштан)

Ձիակասկի հյութահանուկը հայտնի է իր առողջարար հատկություններով՝ հատկապես, երբ խոսքը վերաբերում է արյան շրջանառությանը: Այն պարունակում է էսցին՝ բաղադրիչ, որը նվազեցնում է բորբոքումներն ու ամրապնդում մազանոթները:

5.      Սխտոր

Սխտորը հիանալի հակաբիոտիկ միջոց է և կարող է օգտագործվել տարբեր կերպ: Շատ արդյունավետ է սխտորի և մեղրի խառնուրդը, որը պատրաստելու համար պարզապես հարկավոր է մանրացնել սխտորը, խառնել այն մի գդալ մեղրին և օգտագործել ամեն օր:

Հարկ է հիշել, որ որքան շատ սխտոր է մարդն օգտագործում, այնքան շատ են ամրապնդվում արյունատար անոթները: Սխտորը նվազեցնում է արյան մեջ խոլեստերինի մակարդակն ու զարկերակային ճնշումը, պահպանում է արյան խտությունը և կանխում է թրոմբների առաջացումը:

6.      Երկաթ

Արյան ճիշտ շրջանառության համար խիստ անհրաժեշտ տարր է նաև երկաթը: Առհասարակ՝ էրիթրոցիտների մակարդակը պահպանելն ու հոգնածությունն ու սառնությունը կախելն անչափ կարևոր են:

Երկաթով հարուստ լավագույն աղբյուրներն են ձուկը, կարմիր միսն ու բանջարեղենը: Սակայն հարկ է հիշել, որ երկաթի ավելցուկը կարող է բազմաթիվ առողջական խնդիրներ առաջացնել, ուստի մինչ երկաթի հավելումներ ընդունելը հարկավոր է խորհրդակցել բժշկի հետ:

7.      Ձկան յուղ

Ձկան յուղն արդյունավետ կերպով մաքրում է արյունատար անոթների պատերը, ինչը նպաստում է արյան շրջանառության արագացմանը: Բացի այդ, ձկան յուղը բարձրացնում է օրգանիզմում «լավ» խոլեստերինի մակարդակը: Այս օգտակար տարրը կարելի է ստանալ ձկան բոլոր տեսակներից, ինչպես նաև հատուկ հավելումների տեսքով: Հարկ է հիշել, որ բավարար քանակությամբ ձկան յուղ ստանալու համար հարկավոր շաբաթական առնվազն մեկ անգամ ձուկ ուտել:

8.      Կոճապղպեղ

Կարելի է կաճապղպեղը մանրացնել և օգտագործել որպես համեմունք՝ ավելացնելով այն թեյին, քանի որ այս կերպ այս համեմունքը շատ ավելի արդյունավետ է լինում: Նման թեյը տաքացնում է ամբողջ մարմինը և նպաստում է արյան շրջանառության բարելավմանը:

9.      Կոճապղպեղի, դարչնի և խնկունու (розмарин) եթերայուղեր

Եթերայուղերը լայնացնում են մազանոթները, ինչի շնորհիվ արյունն ավելի հեշտ է հասնում մաշկի վերին շերտերին և ոտքերը տաքանում են: Սակայն մինչ եթերայուղերով մերսում անելը հարկավոր է կարդալ դրանց օգտագործման եղանակը՝ ճիշտ չափաբաժիններով լուծույթ պատրաստելու համար:

Սակայն հարկ է հիշել, որ առողջական լուրջ խնդիրների կամ ուժեղ ցավերի դեպքում խորհուրդ է տրվում դիմել մասնագետի օգնությանը, քանի որ ինքնաբուժությունը կարող է խիստ վնասակար լինել առողջության համար:

Նյութի աղբյուրը՝ finelivingadvice.com