Խոցային կոլիտի ախտանշաններն ու բուժումը տնային պայմաններում

Կոլիտի մասին խոսելիս՝ նկատի է առնվում աղեստամոքսային համակարգի հիվանդությունը, որն առաջին հերթին վնասում է աղիները։ Իսկ մենք գիտենք, որ աղիների առողջությունից է կախված մարդու առողջությունն ու ինքնազգացողությունը։ Աղիների խնդիրներն ամբողջ օրգանիզմի խնդիրներն են, ուստի անհրաժեշտ է բուժումը ժամանակին սկսել։

Աղիների բորբոքումը կարող է պայմանավորված լինել տարբեր պատճառներով՝ սկսած բակտերիաներից, վիրուսներից ու սնկերից մինչև էմոցիոնալ սթրեսը։ Նման հիվանդությունը կարող է նաև ազդել մյուս օրգանների վրա, որոնք ուղղակիորեն կամ անուղղակիորեն կապված են աղիների հետ։

Կոլիտի առավել շատ հանդիպող ախտանշաններն են.

•           փորացավեր, 

•           փորկապություն, 

•           փորլուծություն, 

•           փսխում, 

•           օրգանիզմից հեղուկի դուրս չգալ

Գոյություն ունեն տնային պայմաններում կոլիտի բուժման եղանակներ, որոնք զգալիորեն թեթևացնում են հիվանդության ընթացքը, ինչպես նաև ազատում են ախտանշաններից։ Ձեզ ենք ներկայացնում կոլիտի բուժման ու բարդությունների կանխարգելման մի քանի եղանակ։

Կարգավորել սննդակարգը

Կոլիտի դեպքում առաջին խորհուրդը որքան հնարավոր է շատ սննդային մանրաթելերով հարուստ թարմ ու բնական սննդամթերք օգտագործելն է, ինչը հնարավորություն կտա սնուցել օրգանիզմը բոլոր անհրաժեշտ նյութերով և շատ չուտել։ Այս կերպ հնարավոր կլինի խուսափել մարսողական համակարգի գրգռումից։

Շատ կարևոր է հնարավորինս խուսափել կծու սննդից, ալկոհոլից ու կոֆեին պարունակող մթերքներից։

Խմել անանուխով թեյ

Անանուխը շատ արդյունավետ միջոց է մարսողական համակարգի աշխատանքը բարելավելու համար։ Այն խթանում է թքագեղձերի աշխատանքը, ինչը բարենպաստ աղդեցություն է ունենում մարսողական գործընթացների վրա։ Բացի այդ, անանուխը նաև հանգստացնում է նյարդերը։

Խմել կոճապղպեղով թեյ

Կոլիտով հիվանդներին խորհուրդ է տրվում խմել կոճապղպեղով թեյ, քանի որ այն օգնում է ազատվել փորի փքվածությունից, փորլուծությունից և հիվանդության առաջացրած ցավերից։

Խմել գարու խոտով  թեյ

Գարու խոտի օգտագործումը կարգավորում է աղիների աշխատանքը։ Բացի այդ, այն հարուստ է մի շարք վիտամիններով ու հանքանյութերով, որոնք անհրաժեշտ են կոլիտի ախտանշանների առաջացումը կանխարգելելու համար։

Խոցային կոլիտը տնային պայմաններում բուժելու միջոցներ

·         Տնային պայմաններում բուժելու ամենապարզ եղանակներից մեկը հետևյալն է. մեկ բաժակ ջրում խառնել 2 գդալ խնձորի քացախն ու 2 գդալ մեղրը և խմել անմիջապես ուտելուց առաջ օրական 3 անգամ։

·         Կոլիտի բուժման համար անհրաժեշտ է մեկ բաժակ ջրին ավելացնել մի պտղունց դեղատու տուղտի (алтей лекарственный) արմատ և 5 րոպե շարունակ եռացնել, այնուհետև հանել կրակից, թողնել, որ թրմվի, քամել և խմել մի քանի շաբաթ շարունակ օրական մեկ բաժակ։

·         Բացի այդ, կարելի է նաև պատրաստել խնձորով, գազարով, վարունգով, ճակնդեղով ու հանքային ջրով սմուզի և մի քանի շաբաթ շարունակ խմել օրական 2 անգամ՝ առավոտյան ու երեկոյան։

·         1-2 գդալ կտավատի սերմերն ամբողջ գիշեր թրջել կես բաժակ ջրում, առավոտյան լավ խառնել ու ուտել անոթի։

·         Կոլիտի ախտանշանները մեղմացնելու համար շատ լավ միջոց է նաև բրնձի «ջուրը», որի պատրաստման համար անհրաժեշտ է մեկ բաժակ բրինձը 20 րոպե եփել երեք բաժակ ջրում, թողնել, որ թրմվի, այնուհետև քամել և խմել ստացված հեղուկը։

·         Երիցուկի թեյը նույնպես կօգնի մեղմացնել աղիների գրգռումը։ Այն անհրաժեշտ խմել օրական մի քանի անգամ։

·         Կոլիտի բուժման շատ լավ միջոց է նաև հալվեի (алоэ) հյութը, որը կարելի է պատրաստել տանը կամ գնել արդեն պատրաստի վիճակում։ Այս բույսի գելը նպաստում է աղիների լորձաթաղանթի վերականգնմանը և կարգավորում է մարսողական համակարգը։

·         Բացի այդ կոլիտի ախտանշանները մեղմացնելու և արագ ապաքինվելու համար անհրաժեշտ է սննդակարգի մեջ ներառել ավելի շատ խնձոր ու պապայա, քանի որ այդ մրգերը պարունակում են հիվանդության բուժմանը նպաստող օգտակար նյութեր։

Նյութի աղբյուրը՝ budetezdorovy.ru