Բնական դեղամիջոց՝ հոդացավերը մեղմելու և ռևմատիզմը բուժելու համար

Հոդացավերը կարող են բավական տհաճ լինել և խիստ բացասաբար ազդել կյանքի որակի վրա՝ թույլ չտալով կատարել անգամ առօրյա պարզ գործերը: Սակայն կա  մի բնական միջոց, որը կօգնի գրեթե ակնթարթորեն ազատվել ցավից:

Այս բնական յուղն ունենում է տաքացնող հատկություն, ուստի խթանում է արյան շրջանառությունն ու օգնում է ազատվել անգամ վատ եղանակով պայմանավորված ցավից: Այն շատ արդյունավետ է.

·        ռադիկուլիտի դեպքում,

·        միոզիտի (մկանաբորբ) դեպքում,

·        նյարդացավի (նևրալգիա) դեպքում,

·        ռևմատիզմի դեպքում,

·        հոդացավերի դեպքում:

Այս դեղամիջոցը պատրաստելու համար անհրաժեշտ բաղադրիչներն են.

·        10 հատ թարմ կծու կարմիր պղպեղ,

·        2 բաժակ ձիթապտղի յուղ,

·        1 լիտր տարողությամբ ապակյա տարա:

Պատրաստման եղանակը.

Բուժիչ յուղի պատրաստման համար նախ հարկավոր է պղպեղները լավ լվանալ, մաքրել, այնուհետև մանրացնել կոտորակիչի միջոցով (պետք է ստացվի մոտ 1 բաժակ մանրացրած պղպեղ), լցնել տարայի մեջ և ավելացնել ձիթապտղի յուղը: Այս խառնուրդը հարկավոր է դնել մութ տեղ և թրմել 7 օր, այնուհետև քամել և ստացված յուղը լցնել շշի մեջ: Ընդ որում՝ պղպեղի մնացորդները կարելի է դեն չնետել և օգտագործել որպես համեմունք:

Օգտագործման եղանակը.

Այս յուղը հարկավոր է օգտագործել օրական մի քանի անգամ ախտահարված հատվածների մաշկը շփելու համար: Դրական արդյունքը նկատելի կլինի անգամ մեկ պրոցեդուրայից հետո, սակայն հարկ է հիշել, որ յուղը քսելուց հետո ախտահարված հատվածը հարկավոր է փաթաթել տաք կտորով:

Այս միջոցը կօգնի զգալիորեն մեղմել ցավն անգամ մեկ պրոցեդուրայից հետո, սակայն առավել լավ արդյունքի հասնելու համար բուժումն անհրաժեշտ է շարունակել և օգտագործել դեղամիջոցն օրական մի քանի անգամ: Որոշ ժամանակ անց այն կարելի է ավելի հազվադեպ օգտագործել, իսկ 1-2 ամիս անց այս պրոցեդուրան կարելի է անցկացնել շաբաթական ընդամենը 1 անգամ՝ որպես պրոֆիլակտիկ միջոց:

Սակայն հարկ է հիշել, որ ցանկացած ժողովրդական միջոց օգտագործելուց առաջ հարկավոր է նախապես խորհրդակցել բժշկի հետ, իսկ լուրջ խնդիրների դեպքում բուժումն անցնել միայն մասնագետի հսկողության տակ, քանի որ ինքնաբուժությունը կարող է շատ վտանգավոր լինել առողջության համար և դառնալ էլ ավելի լուրջ բարդությունների առաջացման պատճառ:

Նյութի աղբյուրը՝ budetezdorovy.ru