5 համեղ ու օգտակար հյութի բաղադրատոմս, որոնք կօգնեն մաքրել լեղուղիներն ու կանխել խոլեցիստիտի զարգացումը

Խոլեցիստիտը կամ լեղապարկի բորբոքումը բավական տհաճ խնդիր է, որի դեպքում հարկավոր է դիմել բժշկին ու հետևել նրա բոլոր ցուցումներին: Սովորաբար այս խնդրի դեպքում բուժումը նշանակում է մասնագետը, սակայն կարելի է կիրառել նաև որոշ բնական միջոցներ, որոնք կօգնեն արագացնել ապաքինման գործընթացն ու հիանալի հավելում կլինեն հիմնական բուժմանը:

Ձեր ուշադրությանն ենք ներկայացնում մի քանի ըմպելիք, որոնք կարելի է ստանալ տարբեր համեղ հյութերի համադրության արդյունքում: Այս խառնուրդները կարելի է քաղցրացնել մեղրով կամ ֆրուկտոզայով, ինչպես նաև համեմել նարնջի կամ կիտրոնի կեղևի քերուկով, մաղադանոսով կամ սամիթով, վանիլինով, դարչնով կամ այլ համեմունքով (ըստ ճաշակի):

1-ին բաղադրատոմսը.

Առաջին խառնուրդը պատրաստելու համար պարզապես հարկավոր է խառնել գազարի հյութը և սպանախի հյութը՝ 10:6 հարաբերակցությամբ: Այս խառնուրդը թույլ կտա ոչ միայն մաքրել օրգանիզմը շլակներից, այլև կարգավորել լեղուղիների ու աղիների աշխատանքը:

2-րդ բաղադրատոմսը.

Այս խառնուրդի համար անհրաժեշտ է գազարի հյութ, նեխուրի հյութ և մաղադանոսի հյութ՝ 9:5:2 հարաբերակցությամբ: Նեխուրի հյութը պարունակում է մեծ քանակությամբ անօրգանական կալցիում, որը նպաստում է օրգանիզմից շլակների դուրսբերմանը: Այն բարձրացնում է տոնուսը, բարելավում է ախորժակը և ունենում է միզամուղ և լուծողական ազդեցություն: Ավելին՝ այս հյութը խթանում է արյունաստեղծ համակարգի աշխատանքը, մեղմում է ցավն ու նպաստում է ֆիզիկական ու մտավոր աշխատունակության բարձրացմանը: Հին Հնդկաստանում իր արտասովոր հատկությունների շնորհիվ նեխուրի հյութը բուժարարները խորհուրդ էին տալիս օգտագործել քաղցկեղով հիվանդներին:

3-րդ բաղադրատոմսը.

Երրորդ ըմպելիքի պատրաստման համար հարկավոր է խառնել գազարի հյութը, ճակնդեղի հյութը և վարունգի հյութը՝ 10:3:3 հարաբերակցությամբ: Օրական երեք անգամ այս խառնուրդն օգտագործելը թույլ կտա ընդամենը մի քանի օրում կամ շաբաթում ազատվել լեղապարկում նոր առաջացող քարերից: Բացի այդ, այս խառնուրդը կօգնի նաև կանխել դրանց հետագա առաջացումը, քանի որ նպաստում է լյարդի ու լեղապարկի մաքրմանը:

4-րդ բաղադրատոմսը.

Այս խառնուրդի համար անհրաժեշտ է գազարի հյութ, ճակնդեղի հյութ և կոկոսյան ընկույզի հյութ՝ 11:3:2 հարաբերակցությամբ: Ճակնդեղի հյութի և կոկոսյան ընկույզի հյութի համադրությունը պարունակում է մեծ քանակությամբ կալիում, նատրիում, կալցիում, մագնեզիում, երկաթ, ֆոսֆոր, սիլիցիում և քլոր: Ընդ որում՝ այդ նյութերը պարունակվում են օրգանիզմին անհրաժեշտ հարաբերակցությամ: Իր յուրահատուկ բաղադրության շնորհիվ այս ըմպելիքն օրգանիզմը հարստացնում է անհրաժեշտ «շինանյութով» և հիանալի մաքրող միջոց է հանդիսանում լեղապարկի և երիկամների համար:

5-րդ բաղադրատոմսը.

Հինգերորդ ըմպելիքը պատրաստելու համար հարկավոր է գազարի հյութ, խատուտիկի հյութ և հազարի թերթիկների հյութ՝ 9:3:4 հարաբերակցությամբ: Խատուտիկի հյութը նպաստում է լեղու արտազատմանը բարակ աղիք, իսկ այն շատ կարևոր է մարսողական համակարգի աշխատանքի կարգավորման, ոսկրային համակարգի ամրապնդման ու օստեոպորոզի զարգացումը կանխելու համար:  Հյութը պատրաստելու համար հարկավոր է խատուտիկի թարմ տերևներն ու արմատները նախ լավ լվանալ հոսող ջրով, ապա 5 րոպե խաշել եռացող ջրի մեջ և մանրացնել մսաղացով, որից հետո կարելի է ավելացնել նաև մյուս բաղադրիչները:

Այս խառնուրդները շատ կարևոր դեր են կատարում լեղաքարային հիվանդության կանխարգելման հարցում, ինչպես նաև օգնում են մաքրել լյարդը շլակներից և հարստացնում են բջիջներն անհրաժեշտ նյութերով: Հիմնական բուժման հետ համադրելու դեպքում այս բնական միջոցները կօգնեն հասնել հիանալի արդյունքի:

Նյութի աղբյուրը՝ med2.ru