Լավագույն բնական միջոցները փորափքանքի տհաճ ախտանշաններից ազատվելու համար. 5 բաղադրատոմս

16:29 • 05.11.20

Փորափքանքը բավական տարածված խնդիր է, որը սովորաբար պայմանավորված է լինում մարդկանց կենսակերպով ու սննդամթերքի որոշակի տեսակների գործածությամբ: Այն կարող է բավական տհաճ ու ցավոտ զգացողություններ առաջացնել՝ բացասաբար անդրադառնալով կյանքի որակի վրա, ուստի զարմանալի չէ, որ այս դեպքերում մարդիկ փորձում են հնարավորինս շուտ ազատվել խնդրից:

Գոյություն ունեն փորափքանքի դեմ պայքարի տարբեր դեղամիջոցներ, սակայն կան նաև շատ պարզ ու հասանելի բնական միջոցներ, որոնք իրենց արդյունավետությամբ չեն զիջում դեղորայքին, սակայն շատ ավելի անվնաս են ու չեն առաջացնում որևէ կողմնակի բարդություն, քանի որ չեն պարունակում վնասակար քիմիական տարրեր։

Ձեր ուշադրությանն ենք ներկայացնում հինգ արդյունավետ ժողովրդական միջոց, որոնք կօգնեն հեշտությամբ ազատվել տհաճ զգացողություններից։

Պատրաստել թունդ կանաչ թեյ, ավելացնել 1 թեյի գդալ անանուխի թարմ կամ չորացրած տերևներ, այնուհետև թրմել 15 րոպե։ Ստացված թեյը հարկավոր է խմել ուտելուց հետո։
1 ճաշի գդալ հոռոմ-սամիթի սերմերին ավելացնել մի բաժակ եռման ջուր, 15 րոպե դնել թույլ կրակին, այնուհետև թրմել ևս 45 րոպե։ Ստացված եփուկը քամել, բաժանել երկու մասի ու խմել օրվա ընթացքում։
1 թեյի գդալ մաղադանոսի սերմերը տրորել ու մանրացնել, ավելացնել 1 լիտր եռման ջուր և 8-9 ժամ թրմել որևէ մութ տեղում։ Ստացված թուրմը հարկավոր է ընդունել յուրաքանչյուր 2-3 ժամը մեկ մեկական ճաշի գդալ։
1 ճաշի գդալ երիցուկի ծաղիկներին ավելացնել մի բաժակ եռման ջուր, թրմել մինչև սառչի, այնուհետև քամել ու խմել որպես թեյ։
1 ճաշի գդալ խնկածաղկին ավելացնել մի բաժակ եռման ջուր, տարան ծածկել, թրմել 20-30 րոպե, այնուհետև քամել։ Ստացված ըմպելիքը խմել գոլ վիճակում սննդի ամեն ընդունումից առաջ կես բաժակ։

Այս ըմպելիքներն արդյունավետ են ու հասանելի, սակայն հարկ է հիշել, որ որոշ դեպքերում փորափքանքը պայմանավորված է լինում առողջականն լուրջ խնդիրներով, ուստի խնդրի հաճախակի կրկնության դեպքում հարկավոր է անպայման դիմել մասնագետին, քանի որ ինքնաբուժությունը կարող է խիստ վտանգավոր լինել ու էլ ավելի վատթարացնել հիվանդի վիճակը: Բացի այդ, միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ aif.ru