Լավագույն բնական դեղամիջոցները հարբուխի հիմնական ախտանշանները մեղմելու համար․ 5 բաղադրատոմս

Հարբուխը (մրսածություն) ամենատարածված հիվանդություններից մեկն է, որը սովորաբար սեզոնային բնույթ է կրում, սակայն այնուամենայնիվ կարող է ի հայտ գալ տարվա ցանկացած եղանակին։ Շատ հաճախ մարդիկ պարզապես անուշադրության են մատնում այս հիվանդությունը՝ շարունակելով վարել սովորական կենսակերպ, քանի որ որպես կանոն հարբուխը բուժվում է առանց որևէ միջամտության ընդամենը մի քանի օրում, սակայն միևնույն ժամանակ այն կարող է դրսևորվել բավական տհաճ ախտանշաններով ու խիստ բացասաբար անդրադառնալ մարդու կյանքի որակի վրա, ուստի մասնագետները խորհուրդ են տալիս անպայման միջոցներ ձեռնարկել հիվանդության տհաճ դրսևորումները մեղմելու համար:

Հարբուխի ախտանշաններից ազատվելու համար մարդիկ հաճախ ընդունում են հատուկ դեղամիջոցներ, սակայն մասնագետները վստահ են, որ խնդրի դեմ կարելի է պայքարել նաև բնական միջոցներով, որոնք շատ ավելի անվտանգ են ու հասանելի։ Ավելին այս բնական միջոցներն իրենց արդյունավետությամբ չեն զիջում դեղորայքին, իսկ որոշ դեպքերում կարող են անգամ ավելի արդյունավետ լինել, ուստի մինչ դեղատնային միջոցներ կիրառելը կարելի է նախ փորձել բուժվել դրանց օգնությամբ։

Ձեր ուշադրությանն ենք ներկայացնում լավագույն բնական միջոցները, որոնք կօգնեն հեշտությամբ մեղմել այս հիվանդության տհաճ ախտանշաններն ու զգալիորեն կարագացնեն ապաքինման գործընթացը։

• 2 ճաշի գդալ եղեսպակի չորացրած խոտին ավելացնել մի բաժակ ջուր, թրմել մեկ ժամ, այնուհետև ընդունել գոլ թուրմն օրական 2-3 անգամ կես բաժակ։ Այս միջոցը շատ արդյունավետ է հարբուխի առաջին ախտանշանները մեղմելու համար։
• Հալվեի մի քանի տարևը մանրացնել ու քամել հյութը, այնուհետև 1։1 հարաբերակցությամբ խառնել այդ հյութը մեղրին ու ընդունել խառնուրդն օրական 3 անգամ մեկական թեյի գդալ։ Այս դեղամիջոցն օժտված է խորխաբեր ազդեցությամբ և օգնում է ազատվել վերին շնչուղիների բորբոքումներից։
• 2 ճաշի գդալ մանրացրած ու չորացրած խնձորներին ավելացնել մի բաժակ ջուր ու եռացնել 10-15 րոպե։ Ստացված թուրմը հարկավոր է խմել գոլ վիճակում հազի ու բարձր ջերմության դեպքում։
• Կոկորդի ցավը մեղմելու համար կարելի է ծովաբողկի ու մեխակի թուրմով ողողումներ անել։ Հարկավոր է 1 ճաշի գդակ մանրացրած ծովաբողկի արմատին ու 1 ճաշի գդալ աղացած մեխակին ավելացնել մի բաժակ տաք ջուր, թրմել 10 րոպե, այնուհետև ստացված թուրմն օգտագործել օրական 3-4 անգամ ողողումներ անելու համար։
• Մարմնի ջերմաստիճանի բարձրացման դեպքում որպես արդյունավետ ջերմիջեցնող միջոց կարելի է լորենու ծաղիկներով թեյն օգտագործել։ Հարկավոր է ծաղիկները թրմել ու խմել ըմպելիքն օրվա ընթացքում։

Այս բնական միջոցները շատ արդյունավետ են հիվանդության զարգացման սկզբնական շրջանում տհաճ զգացողությունները մեղմելու համար, սակայն հարկ է հիշել, որ առողջական լուրջ խնդիրների դեպքում հարկավոր է անպայման դիմել մասնագետին, քանի որ ինքնաբուժությունը կարող խիստ վնասակար լինել ու էլ ավելի վատթարացնել հիվանդի վիճակը: Բացի այդ, երբեմն մրսածությանը բնորոշ ախտանշանները պայմանավորված են լինում շատ ավելի վտանգավոր հիվանդութուններով, որոնց դեմ անհապաղ միջոցներ չձեռնարկելը կարող է շատ լուրջ հետևանքներ ունենալ։ Նման խնդիրներից խուսափելու համար հարկավոր է անպայման խորհրդակցել բժշկի հետ, քանի որ միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ aif.ru