7 արդյունավետ բնական միջոց գլխացավն առանց դեղորայքի մեղմելու համար

Գլխացավերն ու միգրենն ամենատարածված խնդիրներից են, որոնք կարող են պայմանավորված լինել ամենատարբեր պատճառներով, այդ թվում՝ սթրեսով, հոգնածությամբ, առողջական որոշակի խնդիրներով և այլն։ Նման տհաճ զգացողությունները կարող են խիստ բացասաբար անդրադառնալ մարդու կյանքի որակի վրա, ուստի զարմանալի չէ, որ մարդիկ փորձում են հնարավորինս շուտ ազատվել ցավից։ 

Գլխացավերը մեղմելու համար մարդիկ սովորաբար ցավազրկող դեղամիջոցներ են ընդունում, սակայն լինում են դեպքեր, երբ ցավը կտրուկ է ի հայտ գալիս, իսկ ցավազրկող միջոց ձեռքի տակ չի լինում։ Բացի այդ, շատերը պարզապես խուսափում են ցավազրկողներից, քանի որ դրանք բավական լուրջ կողմնակի բարդություններ են առաջացնում, իսկ հաճախակի գործածության դեպքում կարող են անգամ դադարել օգնել։ Նման դեպքերում օգնության են հասնում փորձված բնական միջոցները, որոնք օգնում են շատ արագ մեղմել ցավն ու կանխել խնդրի կրկնությունը։ 

Ձեր ուշադրությանն ենք ներկայացնում ամենաարդյունավետ ու հասանելի բնական միջոցները, որոնք կօգնեն հեշտությամբ մեղմել ցավն ու խուսափել դեղամիջոցների գործածությունից։

• Պատրաստել թունդ կանաչ թեյ, այնուհետև թուրմին ավելացնել ⅓ թեյի գդալ դարչին ու մի պտղունց անանուխ, լավ խառնել ու խմել։ Այս թուրմը խմելուց հետո հարկավոր է մի փոքր պառկել ու հանգստանալ։ Որոշ ժամանակ անց գլխացավը կմեղմվի։
• 50 մլ ջրին ավելացնել 3 կաթիլ օշինդրի յուղ, 3 կաթիլ անանուխի յուղ և 2 կաթիլ նարդոսի յուղ, լավ խառնել, այնուհետև բամբակի կտորը թրջել այս խառնուրդով ու քսել այն ճակատին, քունքերին ու ծոծրակին։
• 2 ճաշի գդալ լորենու ծաղիկներին ավելացնել 2 բաժակ տաք ջուր, դնել կրակին ու եռացնել 10 րոպե։ Լցնել եփուկը թերմոսի մեջ, թրմել ևս 30 րոպե, այնուհետև քամել ու խմել քնելուց առաջ 1-2 բաժակ։
• 1 թեյի գդալ մանրացրած գնարբուկին (կիրառել արմատները, ցողուններն ու տերևները) ավելացնել մի բաժակ եռման ջուր, թրմել կես ժամ, այնուհետև թողնել հեղուկը թրմվի և քամել։ Ընդունել օրական երկու անգամ կես բաժակ։
• 1 ճաշի գդալ դաշտային երեքնուկի ծաղիկներին ավելացնել կես լիտր օղի ու թրմել 10 օր։ Ստացված ոգեթուրմը հարկավոր է ընդունել օրական մեկ անգամ մեկական ճաշի գդալ։
• 1 ճաշի գդալ ուրցին ավելացնել մի բաժակ եռման ջուր, թրմել 20 րոպե, այնուհետև քամել և ընդունել օրական 3 անգամ մեկական ճաշի գդալ
• 1 ճաշի գդալ թարմ անանուխին ավելացնել մի բաժակ եռման ջուր, թրմել մինչև հեղուկը սառչի, այնուհետև քամել, ավելացնել մի շերտ կիտրոն ու խմել օրական երկու անգամ կես բաժակ։

Այս պարզ բնական միջոցները կարող են շատ արդյունավետ լինել, սակայն հարկ է հիշել, որ որոշ դեպքերում գլխացավը կարող է պայմանավորված լինել առողջական որոշակի խնդիրներով, ուստի մինչ դրանց դեմ պայքարելը հարկավոր է նախ բուժզննում անցնել ու բացառել վտանգավոր հիվանդությունները։ Բացի այդ, հարկ է հիշել, որ նման բնական միջոցներն ունենում են որոշակի հակացուցումներ և ինքնաբուժությունը կարող է շատ տհաճ հետևանքներ ունենալ, ուստի առաջին հերթին հարկավոր է դիմել բժշկին: Լուրջ խնդիրների դեպքում միայն փորձառու մասնագետը կկարողանա պարզել գլխացավերի առաջացման պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ aif.ru