Եղանակն՝ այսօր
Ձոն Հախվերդյանին. Մենք չենք հավաքվել՝ պաշտպանելու նրան
Երգահան Ռուբեն Հախվերդյանի պատրաստակամությունը` առաջարկի դեպքում համագործակցել թուրք երգիչների հետ, բացասական արձագանք է ստացել հասարակության մեջ, մասնավորապես, լրագրողների շրջանում։
«Մենք այսօր չենք հավաքվել Հախվերդյանին պաշտպանելու, նա դրա կարիքը չունի», – ասաց երգիչ–երգահան Դավիթ Ամալյանը։
Այնուամենայնիվ, նա նկատեց, որ Հախվերդյանը թուրքերի հետ չի էլ համագործակցել։
«Եթե անգամ նման համագործակցություն եղել է, շատ լավ է, որ թուրքն ուզում է լսել նրա երգերը։ Ինձ համար թուրքը, ում հետաքրքիր է Ռուբենի արվեստը, ավելի լուրջ արժեք է, քան այն հայը, ով ուզում է այստեղ օտարալեզու դպրոցներ բացել։ Դավաճան հայն ինձ համար թշնամուց վատ է», – ասաց նա։
Իր հերթին, երգչուհի–երգահան Լեյլա Սարիբեկյանը նշեց, որ «Հախվերդյանն ազգային արժեք է, նա մերն է, ժողովրդինը»։
Միաժամանակ, նա հիշեցրեց, որ այս տարվա դեկտեմբերին լրանում է Հախվերդյանի 60–ամյակը։ Այս կապակցությամբ նա շնորհավորեց երգահանին և ցանկացավ նրան նոր ստեղծագործական հաջողություններ։
Studio One