Եղանակն՝ այսօր
Սփիլբերգի հետ բանակցում են Եղեռնին նվիրված ֆիլմ նկարահանելու համար
Հայոց ցեղասպանության 100-րդ տարելիցին ընդառաջ Ազգային կինոկենտրոնը նախատեսում է լայնամասշտաբ ֆիլմ նկարահանել, որը վեր կհանի հայոց պատմության ողբերգական էջերը: «Մենք 100-ամյակին պիտի ունենանք ֆիլմ, որ կարողանանք ցույց տալ աշխարհին: Ավելին ենք ուզում, քան «Մայրիկն» ու «Արարատը»»,- ասուլիսի ժամանակ ասաց Ազգային կինոկենտրոնի տնօրեն Գևորգ Գևորգյանը:
Ներկայում բանակցություններ են ընթանում աշխարհահռչակ անձանց` ռեժիսոր Սթիվեն Սփիլբերգի, հայազգի սցենարիստ Սթիվեն Զեյլիանի հետ: Վերջինս «Շինդլերի ցուցակը» ֆիլմի սցենարիստն է: Արտերկրում սցենար գրելու, այն հաստատելու պրոցեսը, ըստ Գևորգյանի, բավական բարդ է, «անցում է հարյուր փուլով»:
Թե բանակցությունների վերջնական փուլում որ ռեժիսորը կնկարահանի Եղեռնի մասին ֆիլմը, վերջինս դժվարացավ ասել: Հայտնի է միայն, որ ֆիլմում շեշտը դրվելու է ոչ միայն հայ, այլև օտարազգի դերասանների վրա:
Studio One