Էմի Ուայնհաուսի մահվան գործով կասկածյալ կա

Մեծ Բրիտանիայի ոստիկանությունը Էմի Ուայնհաուսի մահվան համար կասկածում է նրա մոտ ընկերոջը, որի անունը չի հրապարակվում:

Ինչպես հայտնում է Росбалт-ը, Սկոտլանդ յարդի կարծիքով` հենց նա է թմրադեղի մահացու չափաբաժին տվել երգչուհուն: Ոստիկանները չեն նշում` արդյոք նա դիտավորյալ է դա արել, թե ոչ:

Սկոտլանդ յարդն ի սկզբանե նրա մահը «անբացատրելի» է որակել, բայց պաշտոնական վարկածը թմրադեղի չարաշահումն է:

Հիշեցնենք, որ Էմի Ուայնհաուսը մահացած է հայտնաբերվել երեկ Լոնդոնի իր տանը: Որոշ լուրերի համաձայն` հնարավոր է` երգչուհին ինքնասպանություն է գործել` ընդունելով դեղահաբեր: