Կարմիր ծովում 2 նոր կղզի է առաջացել

Երկրաբանները պատմել են Կարմիր ծովում հրաբխային ծագում ունեցող 2 նոր կղզու առաջացման մասին: Հայտնի է, որ նորահայտ կղզիները գտնվում են Եմենին պատկանող Էզ Զուբայր արշիպելագում:

Ինչպես նշում է lenta.ru-ն, կղզիները գոյացել են 2011 և 2013 թվականներին տեղի ունեցած հրաբխային ժայթքումների հետևանքով: Դրանք, մասնավորապես, գոյացել են ժայթքումների նախնական փուլում` «սնվելով» երկրակեղևում եղած մագմայով: Ուսումնասիրությունների արդյունքում պարզվել է, որ տարատեսակ էրոզիաների պատճառով կղզիները քայքայվում են:

Աղբյուրը հավելում է, որ հրաբխային կղզիների ձևավորման մեխանիզմը գիտնականների համար շարունակում է քիչ բացահայտված երևույթ մնալ: