Ռուսական Yota Devices-ը պլանշետ է ստեղծում

Ռուսական Yota Devices տեխնոլոգիական ընկերությունը, որը մինչ այս զբաղվում էր սմարթֆոնների արտադրությամբ, այժմ աշխատում է պլանշետի ստեղծման ուղղությամբ:

Ինչպես նշում է lenta.ru-ն, «Ռոստեխ» պետական կորպորացիայի գործադիր տնօրեն Սերգեյ Չեմեզովը հաստատել է այս տեղեկությունը` հավելելով, որ ինքն արդեն տեսել է պլանշետը:

Նա նաև պատմել է, որ բացի այս՝ ստեղծվել է հետաքրքիր սարք, որի վրա դրվում է հեռախոսն ու լիցքավորվում:

Չեմեզովը նաև անդրադարձել է YotaPhone-ի 3-րդ մոդելի թողարկման ամսաթվին` մանրամասնելով, որ դա կարող է տեղի ունենալ 2016թ. փետրվարին: Իսկ ընթացիկ տարվա վերջին կներկայացվի սմարթֆոնի առավել բյուջետային տարբերակը: