Ներկայացվել է աշխարհի ամենաճկվող սմարթֆոնը. տեսանյութ

Ավստրալիայում ներկայացվել է բառի բուն իմաստով ամենաճկուն սմարթֆոնը` Indiegogo-ի պլատֆորմի հիման վրա ստեղծված Blu-ն:

«Ռոսսիյսկայա գազետա» - ի փոխանցմամբ` այս հեռախոսը կարելի է ճկել և իբրև բրասլեթ կրել ձեռքին, ապա ապաճկել և կատարել ավելի հեռախոսային գործառույթներ:

Նորույթը հեղինակել է Դարել Փիթան. նա սրարթափերի է Ավստրալիայից: Նշվում է, որ նոր հեռախոսը սմարթֆոնի հզորություն ունի և խելացի - ժամացույցների ճկողունակություն:

Հեռախոսը ջրակայուն և հարվածակայուն է, համալրված  է Snapdragon 810 պրոցեսորով,  Blu - ի օպերատիվ հիշողությունը 2 Գբ է, ներկառույցը`  128 գբ:

Հեռախոսն ունի 5,3 մատնաչափ անկյունագծով F-OLED էկրան և 13-մեգապիքսելանոց տեսախցիկ, ինչպես նաև` արագ լիցքավորման Qualcomm Quick Charge 2.0 տեխնոլագիա: Այս ամենով հանդերձ ճկուն սմարթֆոնը կշռում է 170 գրամ, իսկ հաստությունը 4,5 մմ է:

Նոր սմարթֆոնը զանգվածային արտադրանքի վերածելու համար ստարտափին կպահանջվի 1 մլն ԱՄՆ դոլար գումար հավաքել: