Թունավոր նյութերով ու պեստիցիդներով հարուստ մերգերն ու բանջարեղենը

Փորձելով խնայել և քիչ գումար ծախսել օրգանական  կամ բնական մրգեր ու բանջերեղեն գնելու համար` մենք վնաս ենք հասցնում մեր օրգանիզմին: Ինչպես գրում է  takepart.com-ը` առանց պարարտանյութերի և թունաքիմիկատների աճեցված  մթերքն ավելի թանկ արժե, սակայն խնայելով այդ գումարն ու գնելով ոչ բնական սննդամթերք՝ մարդիկ վտանգում են իրենց առողջությունը: Թունաքիմիկատներով հարուստ մթերքները հանդիսանում են քաղցկեղի և այլ հիվանդությունների առաջացման պատճառ:

Պարբերականը ներկայացրել է այն մրգերն ու բանջարեղենը, որոնք, ըստ Էկոլոգիական աշխատանքային խմբի, 2014-ին կատարած հետազոտության ամենից հաճախ հագեցված են լինում քիմիկատներով:

1. Խնձոր

Խնձորը հայտնվել է այս ցանկում դիվենիլամին (անգույն, բնորոշ թույլ հոտով, լույսի ազդեցությամբ մգացող բյուրեղային նյութ) քիմիկատի առկայության պատճառով, որը աճեցնողներն օգտագործում են խնձորի կեղևը պահեստավորման ժամանակ  գունաթափումից զերծ  պահելու համար:

2. Ելակ

Ելակներին խոշոր տեսք հաղորդելու համար այն աճեցնողները  օգտագործում են քլորոպիկրին նյութը, որը կապված է երեխաների մոտ հորմոնալ խանգարման, ինչպես նաև՝ քաղցկեղի առաջացման հետ:

3. Խաղող

Խաղողի մեկ հատիկի մեջ 15 պեստիցիդ է հայտնաբերվել, որոնցից ամենից հաճախ կիրառվում է քլորպիրիֆոսը, որի հետ շփումը բերում է շնչառության խանգարման, հազի, գլխացավի, գլխապտույտի:

4. Նեխուր

Նեխուրը հարուստ է դիկլորան նյութով, որը հնարավոր կարցինոգեն նյութ է:

5. Դեղձ

Դեղձի տերևներն ու ծառերը տարատեսակ հիվանդություններից պաշտպանելու համար գյուղացիներն տարբեր թունաքիմիկատներ են ցողում ծառերի վրա:

6. Սպանախ

Սպանախը հարստացվում է ացետամիպրիդ և իմիդաքլոպրիդ  քիմիական նյութերով:

7. Վարունգ

Վարունգի պարունակության մեջ 86 պեստիցիդ է հայտնաբերվել, որոնք հանգեցնում են հորմոնալ խանգարումների:

8. Չերի լոլիկներ

Այս տեսակի լոլիկները ևս հարուստ են պեստիցիդներով, որոնք կարող են վնասել կենտրոնական նյարդային համակարգը: