Cornell համալսարանի կայքում լուսանկարով հնարավոր է պարզել յուրաքանչյուր թռչնի տեսակը

Cornell համալսարանի և  Visipedia ուսումնասիրությունների նախագծի համատեղ ջանքերով ստեղծված կայքում հնարավոր է լուսանկարի միջոցով անմիջապես պարզել թռչնի տեսակը, անվանումը և սեռը։
 

Որոնողական հզոր համակարգի շնորհիվ այն կարողանում է նույնականացնել Կանադայում և ԱՄՆ-ում բնակվող թռչուններին, գրում է engadget.com-ը։
 

Կայքի համապատասխան բաժնում լուսանկարը ներբեռնելուց հետո օգտատերը պետք է նշի, թե լուսանկարի որ հատվածում է թռչունը, ըստ որի համակարգը կսկսի որոնումները։
 

Համակարգը որոնում է շուրջ 70 մլն լուսանկարների բազայում, որը տրամադրում է eBird.org կայքը։
 

Շատ գույներ և մանրուքներ մարդու աչքերը ունակ չեն ընկալելու, որի համար օգնության են գալիս համակարգչային տեխնոլոգիաները։
 

«Դրանք կարողանում են լուսանկարների բազայից հայտնաբերել նույնանման թռչնի պատկերը՝ նրա կտուցի, որովայնի և մեջքի փետուրների գույների և չափսերի վերլուծության հիման վրա»,-ասել է  Cornell Tech համակարգչային գիտությունների դասախոս Սերժ Բելոնգին։