Եղանակն՝ այսօր
Իմունաթերապիա. նոր միջոց քաղցկեղի բուժման ասպարեզում, որը կարող է հազարավոր կյանքեր փրկել
Գիտնականները կարծում են, որ մեկ քայլով առաջ են անցել` քաղցկեղի դեմ պայքարող ամենահզոր զենքի` քիմիոթերապիայի ստեղծումից: Ինչպես հայտնում healthylifetricks.com-ը` նրանց կարծիքով այս հարցում արդյունավետ պայքարի միջոց կարող է դառնալ իմունաթերապիան:
Դրանք իրենցից դեղամիջոցներ են ներկայացնում, որոնք օգնում են ամրապնդել օրգանիզմի իմունային համակարգը և սպանել քաղցկեղի բջիջները` պայքարելով հիվանդության զարգացման դեմ: Երկու առանձին կլինիկական հետազոտություններ ցույց են տվել, որ իմունային համակարգն ամրապնդող դեղամիջոցները կարող են հիմնարար դեր խաղալ ուռուցքի բջիջները քայքայելու գործում:
Իմունային համակարգը, ըստ էության, մի քանի մեխանիզմներ ունի` ճանաչելու վտանգը և արգելափակելու հարձակվող բջիջները: Ուռուցքային գոյացությունների դեպքում մեծագույն խնդիրն այն է, որ քաղցկեղային բջիջները կարող են «քողարկվել» այնպես, որ իմունային համակարգը չճանաչի դրանցից եկող վտանգը:
Գիտնականների մեծագույն ձեռքբերումն այս պահին այն է, որ որոշ հիվանդներ ընդունում են իմունաթերապիան, և դա ազդեցություն է գործում նրանց օրգանիզմի վրա, սակայն որոշ դեպքերում օրգանիզմը չի արձագանքում: Համենայնդեպս, փորձագետները պնդում են, որ իմունոթերապիան կարող է փոխարինել քիմիոթերապիային առաջիկա հինգ տարում: Ինչպես հետազոտությունները պարզել են, այն հատկապես օգտակար է թոքերի քաղցկեղի և մելանոմայի (մաշկի քաղցկեղ) դեպքում:
Studio One