Ղազախ երիտասարդը աղջկա պես է հագնվել ընկերուհու փոխարեն քննություն հանձնելու համար

Ղազախստանցի 20-ամյա Այան Զադեմովին  բռնել են քննասենյակ մտնելիս` աղջկա պես հագնված:  Մերկացվելուց հետո մինչև ականջները սիրահարված երիտասարդը խոստովանել է, որ փորձել է քննություն հանձնել իր 17-ամյա ընկերուհու փոխարեն:

Ինչպես գրում է Oddity Central-ը` իմանալով, որ իր ընկերուհին ահավոր անհանգստացած է Միասնական ազգային թեստավորման պատճառով, որն անհրաժեշտ է քոլեջ ընդունվելու համար, Այանը փորձել է հանգստացնել և  քաջալերել աղջկան, սակայն ոչինչ չի ստացվել: Այդպիսով, տղան որոշել է «մարմնավորել» ընկերուհուն և նրա փոխարեն քննություն հանձնել:

Նա կեղծամ է դրել, շպարվել և հագել ընկերուհու հագուստը` սպիտակ վերնաշապիկ և մոխրագույն կիսաշրջազգեստ: Այուամենայնիվ քննություն ընդունողները տարօրինակ բան են նկատել և մի քանի րոպեում մերկացրել երիտասարդին: Ամենից առաջ նրան մատնել է իր ձայնը:

Այանին տուգանել են 2000 դոլարի չափով, սակայն նրա այդ արարքն արդեն ստացել է «տարվա ռոմանտիկ արարք» անվանումը:  Արդյունքում տեղի գործարար Օլժաս Հուդահբերգենովը այնքան է տպավորվել, որ որոշել է վճարել տուգանքի կեսը: