Եղանակն՝ այսօր
Բյուրականի աստղադիտարանը սկսում է զարթոնք ապրել. տնօրեն
Բյուրականի աստղադիտարանի տնօրեն Հայկ Հարությունյանն այսօր մամուլի ասուլիսին հիշեցրեց, որ Բյուրականի աստղադիտարանը ճանաչվել է ազգային արժեք, ինչի հետևանքով նաև ֆինանսավորումն է ավելացել, ինչը թույլ է տվել կատարել վաղուց սպասված փոփոխությունները:
Նա ներկայացրեց իրականացվող ծրագրերը և նշեց, որ բացի այն, որ Բյուրականի աստղադիտարանից են տարեկան 25-30 մասնագետներ գործուղման են գնում, այնպես էլ շատ մասնագետներ գալիս են Բյուրականի աստղադիտարան:
«Հիմա սկսվում է մասնագետների հոսք դեպի Բյուրական, այս պահինԿոլումբիայից երիտասարդ աշխատակից ունենք: Այդ տեսակետից Բյուրականի աստղադիտարանը սկսում է զարթոնք ապրել»,-ասաց նա:
Հայկ Հարությունյանը հայտնեց, որ եկող տարի լրանում է Բյուրականի աստղադիտարանի 70-ամյակը, որի կապակցությամբ պատրաստվում են մեծ ծրագիր իրականացնել:
«Այս տարվա սեպտեմբերին և հոկտեմբերին երկու ոչ շատ մեծ գիտաժողովներ կունենանք» ,-ասաց նա և նշեց, որ դրանցից մեկը առաջին անգամ անցկացվող հայ-իրանական կոնֆերանսն է, երկրորդը՝ միջազգային կոնֆերանս է:
Հայկ Հարությունյանը հայտնեց, որ առաջիկա ամիսներին Աստղադիտարանում նոր տնօրենի ընտրություն է լինելու և իր թեկնածությունը չի առաջադրելու՝ ելնելով տարիքից, սակայն շարունակելու է աշխատել Աստղադիտարանում:
«Բյուրականի բրենդը շատ կարևոր է Հայաստանի համար»,-եզրափակեց նա:
Studio One