Եղանակն՝ այսօր
Պորտալարի մեջ են գտնվում ամենաթարմ ցողունային բջիջները. մասնագետը՝ պորտալարային արյան բանկի մասի
«Ոսկրածուծի դոնորների հայկական ռեեստր» հիմնադրամի նախագահ Սևակ Ավագյանն այսօր մամուլի ասուլիսին ներկայացրեց իրենց հիմնադրամը և նշեց, որ այն զբաղվում է արյան քաղցկեղով տառապող մարդկանց խնդիրներով:
«Երբ քիմիոթերապիան չէր օգնում նախկինում հիվանդները մահանում էին, սակայն քառորդ դարից ավելի է, ինչ կիրառվում է ոսկրածուծի կամ ցողունային բջիջների փոխպատվաստում, որի համար անհրաժեշտ են դոնորներ և առաջին դոնորը կարող են հանդիսանալ հիվանդի քույրը կամ եղբայրը»,- ասաց նա:
Նա նշեց, որ չորս երեխա ունեցող ընտանիքների դեպքում հավանականությունը, որ մեկը մյուսին կարող են դոնոր հանդիսանալ քսանհինգ տոկոս է, իսկ Հայաստանում չորս երեխաներ ունեցող ընտանիքները թիվը գնալով պակասում է և տոկոսային հավանականությունը նվազում է: Նա նշեց, որ հայերը որպես էթնիկ խումբ հատուկ գենետիկ կառուցվածք ունեն, և որքան շատ լինի ռեեստրը այդքան հավանականությունը մեծ կլինի:
Սևակ Ավագյանն ասաց, որ իրենց հիմնադրամում կա 27 հազար դոնոր, իսկ դոնոր կարող են հանդիսանալ 18-50 տարեկան առողջ մարդիկ:
Անդրադառնալով ոսկրածուծի քաղցկեղի բուժման նպատակով Հայաստանում ներդրված պորտալարային արյան բանկին՝ հիմնադրամի նախագահը հայտնեց, որ պորտալարի մեջ են գտնվում ամենաթարմ ցողունային բջիջները, և իրենք առաջարկում են երբ երեխային անջատում են պորտալարից, վերցնեն այդ բջիջները և պահպանեն: Նա ասաց, որ արդեն տասը ծննդատան հետ ունեն պայմանագիր: «Եթե ապագայում հանկարծ խնդիր առաջանա, էլ դոնորի խնդիր չի լինի, իրենք կհանդիսանան իրենց իսկ դոնորները»,- ասաց նա:
Նա նշեց, որ ցողունային այդ հավաքագրումը, մշակումը, պահպանումը իրականացնելու համար ծնողները պետք է վճարեն հազարական դոլար, իսկ հետագայում տարեկան հիսունական դոլար: Նա հայտնեց, որ արդեն տասներկու մարդ այդ քայլն իրականացրել է:
Սևակ Ավագյանը հայտնեց, որ ցողունային բջիջները կարող են անժամկետ պահվել հեղուկ ազոտի մեջ, և դրանց որակական հատկությունները չեն փոխվում: Նա ասաց, որ աշխարհում գոյություն ունեն պորտալարային արյան հանրային և մասնավոր բանկեր:
Մոր և մանկան առողջության կենտրոնի մանկաբարձ գինեկոլոգ Մերի Թադևոսյանը նշեց, որ այդ գործընթացը ոչ մի կերպ չի վնասում երեխային կամ մորը:
Studio One