Ամստերդամում 3D տպիչով ստեղծված նոր կամուրջ կհայտնվի

3D տպիչներն արդեն վաղուց կիրառվում են  ճարտարապետության մեջ` ինչպես նախագծման, այնպես էլ՝ շենքերի կառուցման գործընթացում, սակայն հոլանդացի ճարտարապետները մտադիր են ավելի հեռուն գնալ և «տպել» Ամստերդամում ջրանցքի վրայով անցնող կամուրջը:

Ինչպես տեղեկացնում է Euromag-ը` 3D տպագրության նախագիծը կազմակերպում են միաժամանակ երեք խոշորագույն ընկերություն` JorisLaarman հեռանկարային տեխնոլոգիաների լաբորատորիան, ծրագրավորմամբ զբաղվող Heijmans և 3D տպիչներ պատրաստող  MX3D ընկերությունները:

Պողպատյա հետիոտն կամուրջը, որը պետք է անցնի Նիդերլանդների մայրաքաղաքի ջրանցնքերից մեկի վրայով, կպատրաստվի MX3D Metal հատուկ ռոբոտացված ձեռքի օգնությամբ: Գործնականում այս տեսակի ռոբոտը ղեկավարում է եռակցման գործընթացն ու մետաղի շարունակական մատակարարումը  համատեղող սարքավորումը:

Այսպիսով կամուրջը կկանգնեցվի հալեցրած մետաղի փոքր  կաթիլներով` շարունակական զոդման միջոցով: Նման եղանակով ստացվող  կառույցն ավելի ամուր է, քան թիթեղյա մետաղներով: