Առավոտյան էլիքսիր՝ ամուր իմունիտետի համար. կիտրոն, քրքում և ջուր

Առավոտյան օգտագործելով այս ըմպելիքը՝ կամրապնդեք իմունային համակարգն ու օրգանիզմից հեռու կպահեք մրսածությունը: Այս մասին գրում է  healthylivinghouse.com-ը` ներկայացնելով կիտրոնով և քրքումով պատրաստվող այդ ըմպելիքի բաղադրատոմսը:

Անհրաժեշտ բաղադրիչներ են`

1 բաժակ տաք ջուր, կարող եք ջրի փոխարեն օգտագործել նուշի կամ բրնձի կաթ,

¼ թեյի գդալ քրքում,

կես կիտրոնի հյութ,

մի պտղունց դարչին,

½ թեյի գդալ մեղր կամ պերճածաղկի օշարակ,

1 թեյի գդալ կոկոսի յուղ:

Ըմպելիքի պատրաստման համար անհրաժեշտ է բոլոր բաղադրիչները լցնել բաժակի մեջ և լավ խառնել: Քրքումը սովորաբար նստում է բաժակի հատակին, այդ պատճառով ըմպելուց առաջ պետք է կրկին խառնել ստացված թուրմը: Ըմպեք այն՝ քանի դեռ տաք է: 

Ըմպելիքի պատրաստման ժամանակ օգտագործվող ցանկացած բաղադրիչ օգտակար է առողջության համար: Քրքումն օգտակար է արթրիտի, սրտխփոցի, աղիքային գազերի, ստամոքսի փքվածության, ախորժակի պակասի, լյարդի և լեղապարկի խանգարումների ժամանակ:

Այն նաև օգտակար ազդեցություն է ունենում գլխացավերի, բրոնխիտի, թոքերի բորբոքման, ջերմության, դաշտանային ցավերի, քաղցկեղի, Ալցհեյմերի հիվանդության, երիկամային խանգարումների, ճիճուների բուժման ժամանակ: