Կադիրովը փակել է Instagram-ի իր էջն ընթերցողներից

Չեչնիայի ղեկավար Ռամզան Կադիրովը փակել է Instagram սոցիալական ցանցում իր էջն օգտատերերից, ովքեր նրա բաժանորդները չեն: Համապատասխան հաղորդագրությունը երևում է սոցցանցում նրա էջ մտնելու փորձի ժամանակ, գրում է lenta.ru-ն:

Այժմ էջը հասանելի է միայն այն բաժանորդների համար, ովքեր ստացել են Կադիրովի թույլտվությունը: Ներկայում Չեչնիայի ղեկավարի էջը 1 միլիոնից ավելի ընթերցող ունի:

Կադիրովն Instagram-ի ակտիվ օգտատեր է:

Մարտին նա կոչ էր արել հրաժարվել ամերիկյան սոցցանցերից, ինչպես նաև առաջարկել էր սահմանափակել մեսենջերների հասանելիությունը: