Չինական Meizu ընկերությունը նոր ամբողջովին մետաղական սմարթֆոն է ներկայացրել

Meizu  չինական ընկերությունը ներկայացրել է MX5 առաջատար սմարթֆոնը, որը կփոխարինի աշնանը թողարկված MX4 մոդելին:


Ինչպես տեղեկացնում է Корреспондент-ը` ընկերության պաշտոնական կայքէջին հղումով, նորույթը համալրված է 5.5 դյույմանոց AMOLED էկրանով` 1920х1080 կետայնությամբ   և Corning Gorilla Glass 3 ապակիով: Meizu MX5 սմարթֆոնը կաշխատի ութամիջուկ MediaTek Helio X10 պրոցեսորով` 2.2 գեգահերց հաճախականությամբ:

Օպերատիվ հիշողության ծավալը 3 գեգաբայթ է: Սմարթֆոնը համալրված է երկու տեսախցիկով`20.7 և 5 մեգապիքսել հզորությամբ:

Ծրագրավորողների խոսքով`մատնահետքերի  ներկառուցված սկաները տիրոջ մասին տեղեկատվությունը կարդում է 0.48 վայրկյանում: Սմարթֆոնի հաստությունը կազմում է 7.6 մմ, քաշը` 149 գրամ: Meizu MX 5-ն աշխատելու է Android 5.0-ի հիման վրա կառուցված Flyme 4.5 համակարգով:

Նորագույն սմարթֆոնի արժեքը` կախված ներկառուցված հիշողության ծավալից, տատանվում 290-390 դոլարի սահմանում: