Պեդրոն Բարսելոնայից կհեռանա միայն Պրեմիեր լիգայում խաղալու համար

Կատալոնական «Բարսելոնայի» եւ Իսպանիայի հավաքականի հարձակվող Պեդրո Ռոդրիգեսը չի բացառում, որ ամռանը կհեռանա ներկայիս ակումբից։ Այդ մասին տեղեկացնում է «El Mundo Deportivo»-ն։

Աղբյուրի համաձայն՝ իսպանացին կփոխի ակումբային գրանցումը միայն Անգլիայի առաջնությունում հանդես գալու համար։ Հարձակվողը ձգտում է ունենալ կայուն խաղային ժամանակ, իսկ «Բարսելոնայում» դա հնարավոր չէ։

Ավելի վաղ հաղորդվում էր, որ Պեդրոյի ծառայություններով հետաքրքրվում է ֆրանսիական ՊՍԺ-ն։