Apple-ն արտոնագրել է սմարթֆոնների միջև դրամական փոխանցումներ կատարելու տեխնոլոգիան

Apple ընկերությունն արտոնագրել է սմարթֆոնների միջև դրամական փոխանցումներ կատարելու տեխնոլոգիան, գրում է Patently Apple-ը։

iPhone սմարթֆոնների տերերը կկարողանան դրամական միջոցներ փոխանցել Walllet հավելվածի միջոցով։

Նշվում է, որ հաճախորդի ինքնության հաստատման համար կառաջարկվի օգտագործել մատնահետք կամ հեռախոսի գաղտնաբառը։

Հավելվածի միջոցով iPhone-ի տերերը կարող են ընտրել հեռախոսին միացած բանկային քարտերից որևէ մեկը և հաստատել փոխանցումն առաջարկվող մեթոդներից մեկով։

Նշվում է, որ Wallet հավելվածը կաշխատի Passbook հին ծառայության հիման վրա։