Facebook-ը պատրաստվում է իր սեփական երաժշտական հոսքային ծառայությունն ստեղծել

Facebook-ը պատրաստվում է թողարկել իր սեփական երաժշտական հոսքային ծառայությունը, գրում է The Independent-ը:

Ընկերությունը նախնական բանակցություններ է վարում Spotify-ի և Apple Music-ի մրցակից ստեղծելու նպատակով:

Աղբյուրը նշում է, որ երաժշտական տեսանյութերի ծրագիրը YouTube-ի հետ մրցակցելու Facebook-ի պլանների մի մասն էր:

Անանուն աղբյուրները հայտնել են Music Ally երաժշտական կայքին, որ դեռ հոսքային ծառայությունը չի թողարկվի: Ընկերությունը դեռ չի հստակեցրել իր բիզնես մոդելը և թողարկման ժամկետները:

Նշվում է, սակայն, որ երաժշտական տեսանյութերը կթողարկվեն գալիք մի քանի ամսում, և դրանց հնարավոր հաջողությունը կխրախուսի ամբողջական հոսքային երաժշտական ծառայության աշխատանքները: