Դանիան քամուց ստացվող էներգիայի համաշխարհային ռեկորդ է սահմանել

Ուժեղ քամու շնորհիվ դանիական հողմակայանների արտադրողականությունը կազմել է 140 տոկոս՝ երկրի էլեկտրաէներգիայի պահանջարկի համեմատ:

Ինչպես ներկայացնում է Euromag-ը` դա թույլ է տվել արտահանել ավելցուկային հզորությունը հարևան երկրներ` Շվեդիա, Գերմանիա և Նորվեգիա:

Եվրոպական էներգետիկ ասոցիացիան ընդգծել է այս ձեռքբերումը` հայտնելով, որ  այս իրադարձությունը «ապագայի համար լավ նախանշան է»:

Անցյալ տարի Դանիայում արտադրվող ողջ էլեկտրաէներգիայի  39 տոկոսը ստացվել է հողմակայաններից:  Կլիմայի հարցերով նախարար Ռասմուս Հելվեգ Պետերսենը այս համաշխարհային ռեկորդը «սխրանք» է  անվանել: