LG-ն ներկայացրել է Tone Active անջրանցիկ վզնոց-ականջակալը (լուսանկարներ)

11:55 • 26.07.15

_{Լուսանկարը՝ LG Electronics-ի։}

LG Electronics ընկերությունը ներկայացրել է իր նոր անլար Tone Active անջրանցիկ վզնոց-ականջակալը, որը հնարավոր է մեծ պահանջարկ կունենա մարզիկների և ակտիվ կենսակերպով զբաղվողների շրջանում, գրում է 3dnews.ru-ն։

Վզնոց-ականջակալի վրա գտնվում են նաև նվագարկումը կառավարելու կոճակներ ՝ նվագը կանգնեցնելու և վերագործարկելու համար։

Աքսեսուարը միանում է նվագարկիչ սարքին կամ բջջայինին՝ Bluetooth 4.1 անլար կապի միջոցով։

Այն բջջայինին միացնելու դեպքում հնարավորություն է տալիս նաև զրուցել, քանի որ ունի ներկառուցված բարձրախոս։ Արտադրողը նշում է, որ հեռախոսազանգերի ժամանակ Tone Active-ն ապահովում է գերազանց լսելիություն և ձայնի բարձր որակ։

Ընդամենը 50 գրամ կշռող սարքը պաշտպանված է խոնավությունից և ջրից։ Ներկառուցված մարտկոցն ապահովում է 9.5 ժամ տևողությամբ անընդմեջ աշխատանք երաժշտություն լսելու դեպքում և 13 ժամ՝ հեռախոսազրույցի դեպքում։

Tone Active անջրանցիկ վզնոց-ականջակալի գինը կազմում է 130 դոլար։