Samsung-ը սելֆի անելու համար անօդաչու սարք է մշակում

Samsung ընկերությունն աշխատում է սելֆիի համար անօդաչու սարք ստեղծելու ուղղությամբ, որը կդառնա հարավկորեական արտադրողի հաջորդ բեկումնային արտադրանքը: Ինչպես հաղորդում է sammobile.com պորտալը, նախագիծն ստացել է Selfie Camera Drone անվանումը:

Թեև այս ծրագրի մասին քիչ բան է հայտնի, Samsung-ի նոր արտադրանքը, ենթադրաբար, նման կլինի Lily Camera անօդաչու թռչող սարքին, որը հետևում է տիրոջն ու լուսանկարներ անում: Այս գաջեթը նշանակալի հետաքրքրություն է առաջացրել օգտագործողների շրջանում:

Samsung-ի այս ծրագրի մասին լուրերը տարածվել են իր մատչելի սմարթֆոններով հայտնի OnePlus չինական ընկերության մինի-անօդաչու սարքերի պրեմիերայից ամիսներ անց: