Վանում 2700 տարվա ուրարտական ամրոց է հայտնաբերվել. լուսանկարներ

19:57 • 28.07.15

Վանի Այանիս թաղամասում ուրարտական ամրոց է պեղվել: Hurriyet Daily News-ի փոխանցմամբ` խոսքը 2700 տարվա ամրոցի մասին է:

Այս տեղանքում պեղումներ են իրականացվում արդեն 25 տարի, այժմ հայտնաբերվել են ամրոցի պարիսպները: Ավելի վաղ տեղանքում նաև հին տաճար էր հայտնաբերվել:

Գիտնականներն ասում են, որ ամրոցն ավերված է եղել երկրաշարժից և հրդեհից: Մոտ քառորդ դար տևած պեղումների ընթացքում նաև բազմաթիվ հին նմուշներ են հայտնաբերվել, որոնք փոխանցվել են թուրքական թանգարաններին:

Գիտնականերն այժմ նոր անակնկալներ են սպասում ամրոցից: Թուրքիայի Մշակույթի նախարարությունը մ.թ.ա մոտ 590-ով թվագրվող ամրոցը վերագրել է մեդիացիների իրանական ցեղին: