Ուսանողուհին եռաչափ տպիչով կանացի հագուստի մի ամբողջ հավաքածու է տպել (լուսանկարներ, տեսանյութ)

Շենքարի դիզայնի և ինժեներիայի քոլեջում (Իսրայել) սովորող 27-ամյա Դանիտ Պելեգը որոշել է եռաչափ տպիչով հագուստ տպել և որպես իր դիպլոմային աշխատանք ներկայացնել, գրում է fishki.net-ը։

Նա մի ամբողջ հագուստի հավաքածու է տպել եռաչափ տպիչով։ Նախագծի հագուստները տպելու համար նրանից 2.000 ժամ է պահանջվել։

Դանիտը նշել է, որ մինչ եռաչափ տպիչ գնելը և դիպլոմային աշխատանքը սկսելը ոչինչ չի իմացել նոր տեխնոլոգիայի մասին։

Նա պատմել է, որ ցանկություն է ունեցել մարտահրավեր նետել ինքն իրեն։