Ճապոնիայում կրակել են աշխարհի ամենահզոր լազերից

Ճապոնացի ֆիզիկոսները հայտնել են, որ կրակել են աշխարհում ամենահզոր լազերից, որը ստեղծվել է Օսակայի համալսարանում:

Ինչպես նշում է Lenta.ru-ն՝ Popular Science-ին հղումով, 100 մ երկարությամբ սարքը ստացել է LFEX (Laser for Fast Ignition Experiments, Արագ բռնկման փորձարկումների համար լազեր) անվանումը:

Աղբյուրը մանրամասնում է, որ 2 պետավատտ հզորությամբ իմպուլսի տևողությունը կազմել է  1 պիկովայրկյան:

Հայտնի է, որ գերհզոր իմպուլսով փորձարկումներն անցկացվել են 2014թ. վերջերից, և ընթացիկ տարվա հուլիսին ռեկորդային ցուցանիշները պաշտոնապես հաստատվել են։