Խորհուրդներ, որոնք կօգնեն բարելավել ձեր տան Wi-Fi ցանցի ծածկույթը (լուսանկարներ)

Լուսանկարը՝ Scott Beale-ի

Wi-Fi-ը տվյալների փոխանցման անլար արձանագրությունն է, որն օգնում է տարբեր քանակով համակարգիչներ միացնել համացանցին, սակայն Wi-Fi-ի ռադիոազդանշանները շատ փոքր տարածություններ են ծածկում, գրում է vox.com-ը։ 

Քչերը գիտեն, որ շատ հեշտ է խոչընդոտել Wi-Fi-ի ազդանշանները, որի հետևանքով հնարավոր է, որ դրանք դանդաղեն կամ բոլորովին վերանան։

Իրականում Wi-Fi-ի ազդանշանները կարող են կասեցվել ոչ միայն պատերով, այլև էլեկտրոնիկայով և նույնիսկ՝ մարդկանց ներկայությամբ։

Երթուղղիչը տեղադրեք տան կենտրոնում, որպեսզի այն իր ազդանշանները ցրի բոլոր ուղղություններով։ Եթե այն դրվում է տան մի անկյունում կամ, օրինակ, պատուհանի մոտ, ապա ազդանշանների մեծ մասը դուրս է ուղղվում։

Երթուղղիչը գետնին մի՛ դրեք, քանի որ այն բարձրությունից համացանցի ծածկույթը կապահովի ավելի լայն տարածքով, քան գետնին դրված վիճակում։

Երթուղղիչը մի՛ դրեք պահարանում, ինչ-որ տուփի մեջ կամ մի՛ ծածկեք այն, քանի որ այն կարող է կորցնել իր ազդանշանների  մեծ մասը։ Հիշե՛ք նաև, որ երթուղղիչի ազդանշաններին խոչընդոտում են տարատեսակ մետաղները (մետաղյա դռները, նաև հայելիներ), բետոնը և ցեմենտը։

Երթուղղիչն աշխատեք տեղադրել այն սենյակում, որտեղ ամենահաճախն եք օգտվում համացանցից։ Համաձայնե՛ք, որ իմաստ չունի այն տեղադրել տան հեռավոր անկյունում, սակայն դրանից մշտապես օգտվել մեկ այլ սենյակում։

Հեռո՛ւ պահեք ցրիչ սարքն էլեկտրական այլ սարքերից՝ բջջայիններ, հեռուստացույց, միկրոալիքային վառարաններ, անվտանգության համակարգեր և այլն։

Եթե ցրիչը երկու անտենա ունի, ապա մեկն ուղղեք հորիզոնական, մյուսը՝ ուղղահայաց, այդպիսով դրա ծածկույթը մեծանում է։